მიხეილ ჩხენკელი - მინდა განსაკუთრებული მადლობა გადავუხადო საჩხერის მე-2 საჯარო სკოლის თითოეულ წარმომადგენელს, თქვენ შეძელით და გაუზიარეთ მსოფლიოს სასკოლო განათლების საუკეთესო პრაქტიკა

საჩხერის ილია ჭავჭავაძის სახელობის მე-2 საჯარო სკოლა საერთაშორისო კონკურსზე „მსოფლიო განათლების კვირეული“ მსოფლიოს 100 წარმატებული სკოლის ჩამონათვალში მოხვდა. აღნიშნულ ინფორმაციას განათლების სამინისტრო ავრცელებს.

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა სკოლის დირექციას, თითოეულ პედაგოგსა და მოსწავლეს ეს წარმატება მიულოცა და განაცხადა, რომ აღნიშნული სწორედ სწავლა-სწავლების დანერგილი ინოვაციური მიდგომების, უცხო ენებისა და STEM საგნების სწავლების ეფექტიანი მეთოდის აღიარებაა.

"მინდა გულითადად მივულოცო საქართველოს სასკოლო საზოგადოებასა და საჩხერის ილია ჭავჭავაძის სახელობის მე-2 საჯარო სკოლის პედაგოგებს, დირექციასა და მოსწავლეებს „მსოფლიო განათლების კვირეულის“ ფარგლებში მსოფლიოს 100 წარმატებული სკოლის ჩამონათვალში მოხვედრა. თანამედროვე სკოლის მოდელი, რომელიც განათლების რეფორმის ფარგლებში საჯარო სკოლებში ინერგება, 21-ე საუკუნის პედაგოგიური მეთოდების დანერგვას, პიროვნებაზე ორიენტირებულ საგანმანათლებლო გარემოს შექმნას, სკოლების თანამედროვე ტექნოლოგიებით აღჭურვასა და მოსწავლეებში კრიტიკული აზროვნების განვითარებას გულისხმობს. მნიშვნელოვანია, რომ ეს წარმატება საჩხერის საჯარო სკოლაში სწორედ სწავლა-სწავლების დანერგილი ინოვაციური მიდგომების, უცხო ენებისა და STEM საგნების სწავლების ეფექტიანი მეთოდის აღიარებაა. ასევე აღსანიშნავია, რომ ერთ-ერთი კრიტერიუმი, რის საფუძველზეც სკოლა მსოფლიოს წარმატებულ სკოლებში მოხვდა „პროფესიული უნარების განვითარების პროგრამაში“ მისი ჩართულობაა. პროგრამა მოსწავლეებს ზოგადი და პროფესიული განათლების ინტეგრირებულად მიღების შესაძლებლობას აძლევს და საქართველოში 700-ზე მეტ საჯარო სკოლაშია დანერგილი. ეს ყოველივე იმის დასტურია, რომ საქართველოში მიმდინარე განათლების რეფორმა სწორი მიმართულებით ხორციელდება და სრულ თანხვედრაშია განათლების ხარისხის საერთაშორისო სტანდარტთან. „ჩვენ მსოფლიოს ვაჩვენებთ 100 საუკეთესო სკოლის გამოცდილებას, რაც ხელს შეუწყობს ქვეყნებში მაღალი ხარისხის განათლების დამკვიდრებას“ - ეს იყო 2020 წლის „მსოფლიოს განათლების კვირეულის“ მთავარი გზავნილი. ამ გზავნილის რეალობად ქცევისთვის მინდა განსაკუთრებული მადლობა გადავუხადო საჩხერის მეორე საჯარო სკოლის თითოეულ წარმომადგენელს. სწორედ თქვენ შეძელით, აჩვენეთ და გაუზიარეთ მსოფლიოს სასკოლო განათლების საუკეთესო პრაქტიკა და საერთაშორისო ასპარეზზე გაიტანეთ თქვენი ქვეყნის სახელი”,- განაცხადა მინისტრმა.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 28.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო