კორონავირუსის პრევენციის მიზნით შექმნილი მობილური ჯგუფი აჭარაში მუშაობას, მარინა ეზუგბაიას ხელმძღვანელობით, დღეიდან დაიწყებს

საქართველოს ჯანდაცვის მინისტრის პირველი მოადგილის, თამარ გაბუნიას ინფორმაციით, კლინიცისტების მობილური ჯგუფი მარინა ეზუგბაიას ხელმძღვანელობით მუშაობას 14 ოქტომბრიდან, აჭარის რეგიონში დაიწყებს.

როგორც თამარ გაბუნიამ „პალიტრანიუსის“ გადაცემაში „360 გრადუსი“ განაცხადა, მობილური ჯგუფები ეწვევიან იმ კოვიდკლინიკებს, სადაც ყველაზე რთული შემთხვევები იმართება და მოხდება მათ მიერ მიმდინარე პრაქტიკის შესწავლა, ასევე კონკრეტული პაციენტების საჭიროებების შეფასება და საერთო გადაწყვეტილებების მიღება.

"თებერვლიდან დღემდე რამდენიმე კლინიკამ მიიღო ძალიან მდიდარი გამოცდილება, საბედნიეროდ, ბათუმი ოდნავ გვიან ჩაერთო ამ საქმეში. დადგა ის მომენტი, როდესაც გვჭირდება თბილისში დაგროვილი გამოცდილების გაზიარება ქვეყნის სხვა რეგიონებში, განსაკუთრებით ბათუმში.

ასევე, მნიშვნელოვანია, რომ მკურნალობის ხარისხი იყოს თანაბარი. ამდენად, გამოცდილი კლინიცისტების მობილური ჯგუფები ეწვევიან კოვიდკლინიკებს, სადაც იმართება ყველაზე რთული შემთხვევები და მოხდება მათ მიერ მიმდინარე პრაქტიკის შესწავლა, ასევე კონკრეტული პაციენტების საჭიროებების შეფასება და გაზიარებული გადაწყვეტილებების მიღება იმისათვის, რომ პაციენტების მართვის პროცესი იყოს სტანდარტის შესაფერისი და კლინიკური გამოსავალი მივიღოთ კეთილსაიმედო.

14 ოქტომბერს ველოდებით აჭარაში ქალბატონი მარინა ეზუგბაიას ხელმძღვანელობით ინფექციონისტების ჯგუფს, პროცესი დაიწყება აჭარიდან და ამას სხვა რეგიონებიც მოჰყვება. ეს იქნება კარგი საშუალება გამოცდილების გაზიარების და ხარისხის უზრუნველყოფის“, - აღნიშნა თამარ გაბუნიამ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა