დეკანოზ გიორგი მამალაძეს დღეს პენიტენციური დაწესებულებიდან კლინიკაში გადაიყვანენ

ე.წ. ციანიდის საქმეზე მსჯავრდებულ დეკანოზ გიორგი მამალაძეს ჯანმრთელობის მდგომარეობის გაუარესების გამო კვლევების ჩასატარებლად პენიტენციური დაწესებულებიდან ერთ-ერთ კლინიკაში დღეს გადაიყვანენ. აღნიშნულის შესახებ „ინტერპრესნიუსს“ დეკანოზის ძმამ თორნიკე მამალაძემ განუცხადა. როგორც მამალაძე განმარტავს, მისი ძმის ჯანმრთელობის მდგომარეობა დღითიდღე უარესდება.

„ჩემი ძმა წელიწადი და 8 თვეა პარალიზებულია. ამ პერიოდის განმავლობაში არაერთი ექსპერტიზა ჩატარებულა და არაერთხელ მიუმართავთ რეკომენდაციით სასჯელაღსრულების დეპარტამენტისთვის, რომ ჩემი ძმის ჰოსპიტალიზაცია სამოქალაქო კლინიკაში მომხდარიყო, რაზეც დღემდე უარს ვიღებდით. ჩემი ძმის ჯანმრთელობის მდგომარეობა დღითიდღე უარესდება, პარალიზებული ხელ-ფეხი ჯანმრთელ ხელ-ფეხთან შედარებით საკმაოდ დაწვრილებულია. პარალიზებული აქვს მარჯვენა ხელ-ფეხი, მარჯვენა ფეხის კიდური 9-10 სანტიმეტრითაა დაწვრილებული ჯანმრთელ ფეხთან შედარებით, მარჯვენა ხელი კი, 4-5 სანტიმეტრითაა დაწვრილებული. ელემენტარული ყურადღებაც კი ვერ ექცევა ჩემ ძმას იქიდან გამომდინარე, რომ ამ დაავადების სპეციალისტები პენიტენციურ დაწესებულებას არ ჰყავს. ამიტომ, მივიღეთ გადაწყვეტილება, კიდევ ერთხელ მომხდარიყო დეკანოზის გამოკვლევა.

გუშინ დამიკავშირდნენ და მითხრეს, რომ ერთ-ერთ კლინიკაში მოხდებოდა მისი გადაყვანა, მაგრამ იქიდან გამომდინარე, რომ ამ კონკრეტულ დაავადებასთან დაკავშირებით ჩვენ მიერ მოძიებულ სხვა კლინიკაში უფრო კომპეტენტურები არიან, ჩვენ ვითხოვთ, ჩვენ მიერ მოძიებულ კლინიკაში მოხდეს კვლევების ჩატარება. ხვალ დილით, ადვოკატი პენიტენციურ დაწესებულებაში შევა და ამ მოთხოვნას დააყენებს“, - აცხადებს მამალაძე.

ცნობისთვის, გიორგი მამალაძე მკვლელობის მომზადების ბრალდებით თბილისის აეროპორტში 2017 წლის 10 თებერვალს დააკავეს. ის სასამართლომ შურისძიების მოტივით ციანიდის გამოყენებით შორენა თეთრუაშვილის მკვლელობის მომზადებაში სცნო დამნაშავედ და 9-წლიანი პატიმრობა მიუსაჯა.

იხილეთ ვიდეო: დეკანოზ გიორგი მამალაძეს პენიტენციური დაწესებულებიდან კლინიკაში გადაიყვანენ

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება