როგორც ჩემი შვილის საქმე გააყალბა, ისე გააყალბებს შაქარაშვილის საქმეს პროკურორი ნანა გუგუტიშვილი, - ამის შესახებ გარდაცვლილი თორნიკე მერებაშვილის მამამ საია-ში პრესკონფერენციაზე განაცხადა. თორნიკე მერებაშვილის მამამ მერაბ მერებაშვილმა აღნიშნა, რომ მისი შვილისთვის ავტომანქანას შემთხვევით არ გადაუვლია და ის რამდენიმე პირმა სცემა, გამოძიება კი საქმეს სპეციალურად აჭიანურებს.
"როგორც ჩემი შვილის საქმე გააყალბა, ისე გააყალბებს შაქარაშვილის საქმეს პროკურორი ნანა გუგუტიშვილი. საქმეში არსებული მასალები გამოძიებას საეჭვოს ხდის და პროკურატურის ვერსიას ეჭვქვეშ აყენებს. ავტომანქანას ჩემი შვილისთვის შემთხვევით არ გადაუვლია, მასზე რამდენიმე პირის მიერ ძალადობა განხორციელდა", - განაცხადა მერებიშვილმა.
თორნიკე მერებაშვილი 2018 წლის 6 ივლისს, სოფელ ხელთუბანში, საავტომობილო გზაზე მრავლობითი დაზიანებით გარდაცვლილი იპოვეს.