მეუფე იოანე დავით გარეჯის საქმეზე - თუკი ამ რუკას თავის დროზე ძალა მიენიჭა და მოხდა დარღვევა, მაშინ, იმ ხელისუფლებას, ვინც ეს გააკეთა, იმას უნდა მოჰკითხოთ

თუკი ამ რუკას თავის დროზე ძალა მიენიჭა და მოხდა დარღვევა, მაშინ იმ ხელისუფლებას, ვინც ეს გააკეთა, იმას უნდა მოჰკითხოთ,- ასე პასუხობს დავით გარეჯთან დაკავშირებით ჟურნალისტების მიერ დასმულ შეკითხვას ქუთათელ-გაენათელი მიტროპოლიტი, მეუფე იოანე გამრეკელი.

მისი თქმით, ამ საკითხს უფრო ღრმა განხილვა სჭირდება და არა დაკავებული ორი პირის, ივერი მელაშვილისა და ნატალია ილიჩოვას დონემდე.

„მე არ ვიცი, რატომ, რისთვის დააკავეს. ვინც დააკავა, ალბათ იმან იცის და იმას უნდა ჰკითხოთ. მე რა კითხვები უნდა მქონდეს?! მითხარით, რა ბრალი წაუყენეს?! რა მძიმე ბრალდება, კაცის მკვლელობა?! მაშინ, მე მაქვს კითხვა, ეს მიზანდასახულად მოხდა ამ ორი ადამიანის მიერ?! ამაში მთავრობა არ მონაწილეობდა?! მთავრობის გარეშე შესაძლებელია ასეთი რუკა ოფიციალური გამხდარიყო?! ამიტომ, ამას უფრო ღრმად უნდა განხილვა და არა, ამ ორი ადამიანის დონეზე.

თუ ლოგიკურად ვიაზროვნებთ, სახელმწიფო სტრუქტურასთან შეთანხმების გარეშე, რა რუკაც არ უნდა შევადგინო, მას არანაირი იურიდიული ძალა არ ექნება. თუკი ამ რუკას თავის დროზე ძალა მიენიჭა და მოხდა დარღვევა, მაშინ, იმ ხელისუფლებას, ვინც ეს გააკეთა, იმას უნდა მოჰკითხოთ“, - განაცხადა მეუფე იოანემ.

ამასთან, მეუფემ აღნიშნა, რომ გარეჯთან მიმართებით პოლიტიკურ პროცესებსა და 2020 წლის არჩევნებთან კავშირს ვერ ხედავს.

„როცა გახდა ცნობილი, მაშინ გაცხადდა და არჩევნებთან რა კავშირია, არ ვიცი“, - განაცხადა მეუფემ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება