მსურს, როგორც ყოველთვის, მოვიდე თქვენთან ახლოს და მოგესალმოთ, მაგრამ უმჯობესია, თუ დისტანციას დავიცავთ, - ამის შესახებ რომის პაპმა ფრანცისკემ ვატიკანის დიდ დარბაზში გამართული ყოველკვირეული აუდიენციის შემდეგ განაცხადა.
მისივე თქმით, თუ ხელისუფლების განკარგულებებს ყველა პატივს სცემს, პანდემია მალე დასრულდება.
„მომიტევეთ, თუ შორიდან მოგესალმეთ. მსურს, როგორც ყოველთვის, მოვიდე თქვენთან ახლოს და მოგესალმოთ, მაგრამ უმჯობესია, თუ დისტანციას დავიცავთ. მჯერა, რომ თუ ხელისუფლებების განკარგულებებს ყველა ჩვენგანი პატივს ვცემთ, ეს პანდემიის დასრულებას შეუწყობს ხელს“, - განაცხადა რომის პაპმა.