რომან გოცირიძე - არავის სჯერა, რომ პატიოსანი მეცნიერების დაპატიმრება საფუძვლიანი იყოს - მთელი სცენარი აამოქმედეს, მაგრამ ხელისუფლებას მაინც ვერაფერი უშველის

ფრაქცია „ნაციონალური მოძრაობის" თავმჯდომარე, რომან გოცირიძე დავით გარეჯის საკითხზე დაწყებულ გამოძიებას არჩევნებს უკავშირებს და აცხადებს, ეს ხელისუფლების მოღალატეობრივი ქმედებაა. როგორც „ინტერპრესნიუსს" გოცირიძემ განუცხადა, ხელისუფლებას ეს საკითხი უკანვე შემოუბრუნდება.

„ზუსტად იგივე სცენარია, რაც ადრე გვინახავს, ძალადობა, მოსყიდვა, ძალოვანი სტრუქტურების თარეში, სუს-ისა და სხვადასხვა ორგანოებიდან, რომლებიც გადაქცეული არიან „ქართული ოცნების" საარჩევნო შტაბის ნაწილად და ახლა ე.წ. კარტოგრაფების საქმე შემოაგდეს. ეს არის საქართველოს ხელისუფლების მოღალატეობრივი ქმედება. არ გამოუვათ! ეს იქნება ის შემთხვევა, როცა რუსეთის სპეცსამსახურებს კოვზი ნაცარში ჩაუვარდებათ. საქართველოში არავის სჯერა, რომ წინასაარჩევნოდ პატიოსანი მეცნიერების დაპატიმრება მართლაც საფუძვლიანი იყოს. მთელი სცენარი აამოქმედეს, მაგრამ ხელისუფლებას მაინც ვერაფერი უშველის",-განაცხადა გოცირიძემ.

ცნობისთვის, საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

ივერი მელაშვილსა და ნატალია ილიჩოვას ბრალი სისხლის სამართლის კოდექსის 308-ე მუხლის პირველი ნაწილით აქვთ წარდგენილი, რაც უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედების განხორციელებას გულისხმობს. პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემული რუკებზე დატანილი საზღვრის ხაზებით, რაც არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)