გიორგი მარგველაშვილი - საყდრისის ამფეთქებელი პოლიტიკური ძალა დავით გარეჯის პატრიოტი ძალაა?! - ეს არის ძალა, რომელიც იგონებს, რომ რაღაც ღირებულებები გააჩნია

საყდრისის ამფეთქებელი პოლიტიკური ძალა დავით გარეჯის პატრიოტი პოლიტიკური ძალაა?! ეს არის ის პოლიტიკური ძალა, რომელიც იგონებს ხოლმე, რომ რაღაც ღირებულებები გააჩნია , - ამის შესახებ საქართველოს ყოფილმა პრეზიდენტმა გიორგი მარგველაშვილმა „პალიტრანიუსის“ გადაცემა „რეზიუმეში“ დავით გარეჯის საქმის კონტექსტში განაცხადა.

მისი თქმით, დავით გარეჯის ირგვლივ მიმდინარე გამოძიების თემა ორი ნაწილისგან შედგება, რომელთაგან ერთი გამოძიებას უკავშირდება, მეორე კი პოლიტიკას. მარგველაშვილის განმარტებითვე, თავის მხრივ, თემის პოლიტიკურ ნაწილს ორი მდგენელი აქვს, ის თუ როდის წამოიწია ამ თემამ და მეორე, თუ ვინ ეწევა ამ თემის აქტუალიზაციას.

„ამ საქმის პოლიტიკურ ნაწილს აქვს შემდეგი შემადგენელი: პირველი - რა დროს ხდება ეს და ამაზე ჩვენ ნათელი პასუხი გვაქვს, რომ ეს ხდება არჩევნების წინ სულ რამდენიმე კვირით ადრე. მეორე - ვინ აკეთებს ამას და, ჩემი აზრით, საქართველოს მოქალაქეებისთვის ძალიან გარკვეული და ნათელია, ეს არის პოლიტიკური ძალა, რომელმაც თავის დროზე დაიწყო თავისი იდეოლოგიური კარიერა „ტრაქტორების საქმით“, როდესაც ამის უკან იყო პოლიტიკოსი, რომელზეც საჭირო იყო დარტყმა, სამწუხაროდ, ჩვენი მაშინდელი გუნდის ერთ-ერთი ყველაზე გამორჩეული მინისტრი, დათო კირვალიძე. შემდეგი, ეს იყო საქმე, რომელიც უკავშირდებოდა ე.წ კაბელებს, როდესაც დადგა საჭიროება ალასანიასთან დაპირისპირების. მერე ეს საქმეები გაგრძელდა ბურჭულაძის საქმით, „თიბისის“ საქმით ანუ საქმეებით, რომლებიც, მარტივად რომ ვთქვათ, იყო შემდეგი ფორმატით შეკერილი და არცერთი ეს საქმე არ შედგა.

ეს არის პოლიტიკური ძალა, რომელიც ხან გადაწყვეტს, რომ კორუფციას ებრძვის და მოდი დავარტყათ კირვალიძეს და ალასანიასო, ხან გადაწყვეტს, რომ ებრძვის იმ ადამიანებს, რომლებიც თითქოს რაღაცას ითვისებენ, ეს არის ის პოლიტიკური ძალა, რომელიც იგონებს ხოლმე, რომ რაღაც ღირებულებები გააჩნია. საყდრისის ამფეთქებელი პოლიტიკური ძალა დავით გარეჯის პატრიოტი პოლიტიკური ძალაა ?! ძალიან საინტერესოა ამ ადამიანების სპეციფიკა - ეტყვიან, რომ დღეს პატრიოტი ხარ, კი ბატონო, დღეს პატრიოტი ვარ და მოდი ახლა, დავით გარეჯის თემას გავქაჩავ. შეუკვეთავენ პატრიოტიზმს, და ამ პატრიოტიზმის შედეგად ხდება ადამიანების დაჭერა, ყოველგვარი მტკიცე საფუძვლის გარეშე“, - განაცხადა გიორგი მარგველაშვილმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა