ადვოკატთა ასოციაციაში გერმანიის ფედერაციული რესპუბლიკის ელჩთან ოფიციალური შეხვედრა გაიმართა.ადვოკატთა ასოციაციის ინფორმაციით, შეხვედრის ფარგლებში, მხარეებმა გერმანულ და ქართულ იურიდიულ პროფესიებს შორის თანამშრომლობის საკითხები განიხილეს, მათ შორის, გერმანიის საერთაშორისო თანამშრომლობის საზოგადოებასთან (GIZ), საერთაშორისო იურიდიული თანამშრომლობის გერმანულ ფონდთან (IRZ) და გერმანიის ადვოკატთა ფედერალურ პალატასთან ურთიერთთანამშრომლობის ფარგლებში მიმდინარე და სამომავლო პროექტები.
ელჩმა ხაზი გაუსვა ადვოკატთა ასოციაციის და იურიდიული პროფესიის მნიშვნელოვან როლს საქართველოში ხარისხიანი და ეფექტიანი მართლმსაჯულების სისტემის ჩამოყალიბების პროცესში და ამ მიმართულებით შემდგომი თანამშრომლობის მზაობა გამოთქვა.