კორონავირუსის შემთხვევების დაფიქსირების გამო, თბილისში, 13  საბავშვო ბაღია დახურული

ამჟამინდელი მონაცემებით, კორონავირუსის შემთხვევების დაფიქსირების გამო, თბილისში, 13 საბავშვო ბაღი დროებით დახურულია. როგორც „ინტერპრესნიუსს“ ბაგა-ბაღების მართვის სააგენტოში განუცხადეს, ჯერჯერობით უცნობია, თუ როდის გაიხსნება აღნიშნულ ბაღებში სასწავლო-აღმზრდელობითი პროცესი.

მათი განმარტებით, ეს ქვეყანაში არსებულ ეპიდემიოლოგიურ ვითარებაზე და კონკრეტულ საბავშვო ბაღში არსებულ სურათზე იქნება დამოკიდებული.

„დღეის მონაცემებით, 13 ბაღია დროებით დახურული. კოვიდ 19-ის ფაქტი პერსონალში დადასტურდა და შესაბამისად, საბავშვო ბაღმა ფუნქციონირება შეწყვიტა. ზოგიერთი საბავშვო ბაღი 12 ოქტომბერს არც გახსნილა, რადგან ინფიცირების შემთხვევა ადრე დაფიქსირდა“,-აცხადებენ ბაგა-ბაღების მართვის სააგენტოში.

მათი განმარტებით, საბავშვო ბაღებში სწავლების დისტანციური მეთოდი არ არის, შესაბამისად, კორონავირუსით ინფიცირების შემთხვევების გამოვლენის შემდეგ, ბაღი დაიხურა და ინფიცირებულებთან კონტაქტში მყოფი პირები ეპიდემიოლოგების მითითების მიხედვით მოქმედებენ.

ამასთან, ბაგა-ბაღების მართვის სააგენტოში აღნიშნავენ, რომ თბილისის მასშტაბით საბავშვო ბაღებში სადეზინფექციო სამუშაო ინტენსიურ რეჟიმში ტარდება.

შეგახსენებთ, ბაგა-ბაღებში სასწავლო-აღმზრდელობითი პროცესი 12 ოქტომბერს განახლდა.

იხილეთ ვიდეო: კორონავირუსის შემთხვევების დაფიქსირების გამო, თბილისში 13 საბავშვო ბაღია დახურული

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)