დავით ჭიჭინაძის განცხადებით, 30 წელია საქართველოში ძარცვის მეტი არაფერი ხდება

"ტრიბუნას" ლიდერის დავით ჭიჭინაძის განცხადებით, 30 წელია საქართველოში ძარცვის მეტი არაფერი ხდება.

მისივე თქმით, სწორედ რიგითმა ადამიანებმა უნდა გადაწყვიტონ, ვინ გაძარცვა და ვინ არის დასასჯელი.

"გამოვიდეს ხალხის წინაშე ვანო ჩხარტიშვილი და დაამტკიცოს, რომ ხალხი ღირსი იყო როდესაც მათ ანაბრებს იპარავდა; ან თუნდაც ქალბატონი თურნავა თუ დაამტკიცებს, რომ მას არანაირი დანაშაული არ აქვს ჩადენილი ქვეყნის წინაშე, მაშინ არც მათ დასჯას მოვითხოვთ და არც დაპატიმრებას! აი ამიტომ ვამბობთ სახალხო ტრიბუნიდან - სახალხო ტრიბუნალამდე! 30 წელია ამ ქვეყანაში ძარცვის მეტი არაფერი ხდება; თუ რამის პრივატიზება მოხდა, ეს მხოლოდ ძარცვის პრივატიზაცია იყო, რადგან ნებისმიერ სფეროს, სადაც არ უნდა გავიხედოთ, სასარგებლო შედეგი არც ხალხისთვის და არც სახელმწიფოსთვის არ დამდგარა.

პოლიტიკური ძალები ყველა არჩევნების წინ ატყუებენ ამომრჩეველს და მერე ბიუჯეტის მოპარვის და საკუთარი გამდიდრების გარდა არაფერს აკეთებენ; შედეგი კი არის ის რომ: მარტო ჩვენი ვალი 19 მილიარდია;

ათიათასობით გაღარიბებული და ასიათასობით უმუშევარად, უსახსროდ დარჩენილი ადამიანი; გამდიდრებული ჩინოვნიკების მცირე ჯგუფი, რომელიც პერიოდულად, როდის როგორ აწყობთ, ხან ერთ სახელისუფლო გუნდში არიან წინა რიგებში, ხანაც - მეორე. და მათი პირადი ინტერესი თუ არ იკვეთება, იქ სახელმწიფოებრივი საერთოდ არ აინტერესებთ; აი სწორედ მათთან მიმართებაშია სახალხო ტრიბუნალი ჩასატარებელი! სწორედ რიგითმა ადამიანებმა უნდა გადაწყვიტონ, ვინ გაძარცვა და ვინ არის დასასჯელი. მითუმეტეს მაშინ, როდესაც არცერთი მოსამართლე და პროკურორი გამოძიებას არ ატარებს. ოღონდ ისე არა, სახალხო მილიონებს რომ მოიპარავენ, ერთი წელი ჩაჯდებიან ციხეში, მერე გამოვლენ და პოლიტპატიმრებად გვამადლიან თავებს! და არც არანაირი ე.წ. საქმის ხანდაზმულობა! იმიტომ, რომ ყველა ამ ფაქტს ადამიანების სიცოცხლეები შეეწირა...აი ამიტომ, სახალხო ტრიბუნიდან - სახალხო ტრიბუნალამდე", - განაცხადა დავით ჭიჭინაძემ, რომლის კომენტარსაც "ტრიბუნას" პრესსამსახური ავრცელებს.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს