გიგი უგულავა - ივანიშვილის პირობებში ტოტალური უმუშევრობა, უპერსპექტივობა და უიმედობაა

ყველაფერი აუცილებლად შეიცვლება 31 ოქტომბერს და უპერსპექტივობასა და გაჭირვებას გარდამტეხი ცვლილებები დაასრულებს, - ამის შესახებ „ევროპული საქართველოს“ ზუგდიდის მაჟორიტარობის კანდიდატმა გიგი უგულავამ ზუგდიდში, ბაქოსა და ერევნის ქუჩების მცხოვრებლებთან შეხვედრის დროს განაცხადა.

უგულავას განცხადებით, სიმბოლურია, რომ შეხვედრები იმართება ამ ქუჩებზე, იმ კონტექსტის გათვალისწინებით, თუ რა ხდება რეგიონში. უგულავას თქმით, როგორც ზუგდიდში, ისე მთლიანად საქართველოში არის უმძიმესი სოციალური ფონი, ხოლო ამ დროს ბიძინა ივანიშვილი კლავს ამ რეგიონის ერთადერთ იმედს, ანაკლიის პორტს.

„ჩვენ ვიყავით ახლა ზუგდიდის ბაქოსა და ერევნის ქუჩებზე, რომლებიც ერთმანეთის მიმდებარედ არის. იმ კონტექსტის გათვალისწინებით, რაც ახლა კავკასიაში ხდება, ეს სიმბოლურია. აქაც, ისევე როგორ მთელ რაიონსა და ქვეყანაში ცვლილებების მოლოდინია, უმუშევრობა არის პრობლემა, რომელიც ტანჯავს ყველა ადამიანს. ტოტალური უმუშევრობაა ივანიშვილის პირობებში და აღარც იმედია, რომ შეიცვლება რამე. ამ არჩევნებზე უნდა მოხდეს ეს გარდამტეხი ცვლილება და გეგმა, რომელიც ჩვენ გვაქვს, გადასახადების დაწევა არის უალტერნატივო, რათა სწრაფად დაიწყოს ეკონომიკამ მუშაობა და შეიქმნას სამუშაო ადგილები. სხვანაირად, უბრალოდ არ გამოვა“, - აღნიშნა „ევროპული საქართველოს“ ზუგდიდის მაჟორიტარობის კანდიდატმა.

უგულავამ ხაზი გაუსვა, რომ ზუგდიდს ანაკლიის პროექტი აქვს, რომელიც არა მარტო ზუგდიდის, არამედ მთელი სამეგრელოს დასაქმების და ახალი პერსპექტივის წყაროა.

„ჩვენ ასევე გვჭირდება დიდი პროექტები და ზუგდიდს აქვს კონკრეტული პროექტი, ეს არის ანაკლიის პორტი, რომელიც არა მარტო ზუგდიდის, არამედ მთელი სამეგრელოს დასაქმების და ახალი პერსპექტივის წყაროა და სანამ ივანიშვილი იქნება, ეს არ გაკეთდება. ამიტომ, მთავარი არის ახლა ერთი, რომ შეიცვალოს პოლიტიკური წყობა, ჩვენ ასევე ვსაუბრობთ და ადამიანებს ძალიან კარგად ესმით თუ რატომ ამთავრებს ყველა მთავრობა ასე ცუდად. იმიტომ, რომ ყველა მთავრობა არის ერთპარტიული და ერთპიროვნული, ხალხს ესმის, რომ კოალიცია არის სწორი მართვის ფორმა, რადგან ერთმანეთს აბალანსებს და ხალხის გასაჭირზე ფიქრობს და არა საკუთარ გამოგონილ ხუშტურებზე. ეს არის ის თემები, რომლებიც ხალხს აწუხებს და რომლებსაც ხალხი აუცილებლად შეცვლის ამ არჩევნებზე,“ - განაცხადა უგულავამ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები