საზოგადოებრივ მაუწყებელზე დებატებში დღეს „ქართული ოცნებიდან“ მონაწილეობას საპარლამენტო უმრავლესობის ლიდერი მამუკა მდინარაძე მიიღებს. ამის შესახებ „ინტერპრესნიუსს“ „ქართული ოცნების“ პრესსამსახურში განუცხადეს.

შესაბამისად, დებატები მამუკა მდინარაძესა და „სტრატეგია აღმაშენებლის“ ლიდერ გიორგი ვაშაძეს შორის გაიმართება. დებატები საზოგადოებრივ მაუწყებელზე 23:00 საათზე დაიწყება.

ცნობისათვის, გიორგი ვაშაძემ დებატებში პრემიერ-მინისტრი გიორგი გახარია გამოიწვია.