ნაზი ჯანეზაშვილი - იუსტიციის უმაღლესმა საბჭომ ნინო ქადაგიძის საბჭოს თავმჯდომარის თანამდებობაზე არჩევით წარსულში დაგვაბრუნა

“იუსტიციის უმაღლესმა საბჭომ ნინო ქადაგიძის იუსტიციის უმაღლესი საბჭოს თავმჯდომარის თანამდებობაზე არჩევით წარსულში დაგვაბრუნა”,- ასე ეხმაურება იუსტიციის უმაღლესი საბჭოს არამოსამართლე წევრი ნაზი ჯანეზაშვილი საბჭოს თავმჯდომარის პოსტზე ნინო ქადაგიძის დანიშვნას.

როგორც ნაზი ჯანეზაშვილმა "ინტერპრესნიუსს" განუცხადა, ნინო ქადაგიძეს ე.წ. კლანის მხრიდან მხარდაჭერა ყოველთვის ჰქონდა.

"გარდა იმისა, რომ ნინო ქადაგიძე უზენაესი სასამართლოს თავმჯდომარეა, ის ამავდრულად საბჭოს თავმჯდომარეც გახდა. ასეთი მიდგომა გვაბრუნებს წარსულში იმიტომ, რომ საკონსტიტუციო ცვლილებების განხორციელებამდე, უზენაესი სასამართლოს თავმჯდომარე თანამდებობრივად ხდებოდა საბჭოს თავმჯდომარე. თუმცა, მოგვიანებით ეს სტანდარტი პარლამენტმა შეცვალა და იუსტიციის უმაღლესი საბჭო თავისი შემადგენლობიდან 4 წლის ვადით ირჩევს საბჭოს თავმჯდომარეს.

რაც შეეხება ნინო ქადაგიძეს, მას ე.წ. კლანის მხრიდან მხარდაჭერა ყოველთვის ჰქონდა. ის უზენაესი სასამართლოს მოსამართლეობის კანდიდატთა იმ 10-კაციან სიაში იყო, რომელიც პარლამენტს 2018 წლის დეკემბერში წარუდგინეს. მიუხედავად იმისა, რომ ეს სია უკან დაბრუნდა, მოგვიანებით ქადაგიძე გახდა ჯერ უზენაესი სასამართლოს მოსამართლე, მერე კი უზენაესი სასამართლოს თავმჯდომარე, ახლა, იუსტიციის საბჭოს თავმჯდომარეც.

რეალურად სასამართლო სისტემის სათავეში მიხეილ ჩინჩალაძე და ლევან მურუსიძე არიან, მიუხედავად იმისა, რომ დღევანდელი გადაწყვეტილების შემდგომ ნინო ქადაგიძე სასამართლო სისტემაში ორ მნიშვნელოვან თანამდებობაზეა", - განაცხადა ნაზი ჯანეზაშვილმა.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ქართული პრესის მიმოხილვა 28.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო