გიორგი გახარია - წესების დაცვა, პირბადის ტარება, ელემენტარული დისციპლინა და კანონების შესრულება პატრიოტიზმია

დღეს ქვეყანაში წესების დაცვა, პირბადის ტარება, ელემენტარული დისციპლინა და კანონების შესრულება - არის პატრიოტიზმი, - ამის შესახებ პრემიერ-მინისტრმა მთავრობის სხდომის დასრულების შემდეგ განაცხადა.

მისივე თქმით, მსოფლიოში ვირუსის გავრცელების შეჩერების მხოლოდ ორი გზა არსებობს - ქვეყნის სრული „ლოკდაუნი“ ან ვირუსთან ადაპტაცია.

„რა თქმა უნდა, ეკონომიკური ცხოვრების გამოცოცხლება არის ის აუცილებელობა, რომელიც ჩვენ ყველას გვჭირდება იმისთვის, რომ პირველი რიგში შევინარჩუნოთ სამუშაო ადგილები და აღვადგინოთ სამუშაო ადგილები იქ, სადაც ეს შესაძლებელია. კიდევ ერთხელ ხაზგასმით აღვნიშნავ, რომ მსოფლიოში ვირუსის გავრცელების შეჩერების ორი გზა არსებობს: ქვეყნის სრული „ლოკდაუნი“ ან ვირუსთან ადაპტაცია და მისი მართვა, მაგრამ ვირუსთან ადაპტაცია და მისი მართვა საჭიროებს, მაღალ პასუხისმგებლობას“, - განაცხადა გიორგი გახარიამ.

ამასთან გახარიამ აღნიშნა, რომ მოსალოდნელია შემთხვევების რაოდენობამ 1000-ს გადააჭარბოს, თუმცა ჯანდაცვის სისტემა ამ დარტყმას გაუძლებს.

„ყველანაირი სპეკულირება, მათ შორის ინფიცირების რიცხვის ზრდაზე და შემდგომ სამედიცინო სექტორის მზად ყოფნაზე ან საწოლფონდების საკმარისობაზე - ეს არის უკიდურესად მიუღებელი და ყოვლად ამორალური, რამეთუ მთავრობა და ყველა სამინისტრო ამ თვეების განმავლობაში ემზადებოდნენ მეორე ტალღისთვის და ამას ჩვენ ყოველთვის ვამბობდით, რომ იქნებოდა მეორე ტალღა, მაგრამ მთავარია ჩვენ ეს პროცესი ვმართოთ. მიუხედავად იმისა, რომ დღეს გვაქვს 919 შემთხვევა და დიდი ალბათობით 1000-საც გადავაბიჯებთ და ეს ზრდა გაგრძელდება, მაგრამ ჯანდაცვის სისტემა ახალი მიდგომით, რომელიც ჩვენ უკვე შეტანილი გვაქვს გეგმაში - ამ დარტყმას გაუძლებს“, - განაცხადა გახარიამ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა