„საქართველოს ბანკის“ მხარდაჭერით, ქობულეთში ბოსტნეულის მეურნეობა გაფართოვდა

„საქართველოს ბანკის“ მხარდაჭერით ქობულეთში ბოსტნეულის მეურნეობა გაფართოვდა. ამის შესახებ ინფორმაციას „საქართველოს ბანკი“ ავრცელებს.

როგორც „ინტერპრესნიუსს" აცნობეს, "საქართველოს ბანკი" აგრომიმართულების მხარდაჭერას განაგრძობს. ამჯერად ბანკის ფინანსური მხარდაჭერით, ქობულეთის სოფელ დაბა ოჩხამურში ბოსტნეულის მეურნეობა გაფართოვდა. 11 ჰა მიწის ნაკვეთზე მეწარმეს უკვე მოჰყავს 240 ტონა პომიდორი.

როგორც ბანკში აცხადებენ, პროექტი გამორჩულია იმით, რომ კომპანია „პანგეას“ პომიდვრის უნიკალური, "ტომსკის" ჯიშის, ბიო პროდუქტი მოჰყავს, რომლის რეალიზაციასაც ახდენს როგორც ადგილობრივ ბაზარზე, მაღაზიებსა თუ კერძო პირებზე, ასევე გააქვს ექსპორტზე.

პროექტის განსახორციელებლად ბანკმა 240,000 ლარი გამოყო, რაც წყლის რეზერვუარისა და სარწყავი სისტემის დასამონტაჟებლად, ასევე მიწის დასამუშავებლად და სამაცივრე მეურნეობის მოსაწყობად დაიხარჯა. სს „პანგეა“ სამომავლოდ სათბურის მოწყობასაც გეგმავს. სს „პანგეა“ 30 ადამიანს ასაქმებს.

როგორც „საქართველოს ბანკის“ საცალო ბიზნესის საბანკო მომსახურების დეპარტამენტის დირექტორი მერაბ ახვლედიანი აცხადებს, „საქართველოს ბანკი“ აქტიურად აგრძელებს ადგილობრივი ბიზნესების მხარდაჭერას.

„მოხარული ვართ რომ მოგვეცა შესაძლებლობა, კიდევ ერთხელ შევიტანოთ ჩვენი წვლილი ისეთ პროექტში, რომელიც აგროსექტორის განვითარებას უწყობს ხელს. ჩვენი ფინანსური მხარდაჭერით ქობულეთში, კერძოდ დაბა ოჩხამურში ბოსტნეულის მეურნეობა გაფართოვდა. ამჟამად მიმდინარეობს პომიდვრის ჯიშების გამოყვანა და მოყვანილი პროდუქტი ექსპორტზე გატანა. ვფიქრობთ, მსგავსი ინიციატივები ხელს უწყობს აგრომეურნეობის განვითარებას, მოტივაციას აძლევს ფერმერებს, განავითარონ ადგილობრივი წარმოება, ასევე, ქმნის ახალ სამუშაო ადგილებს. „ საქართველოს ბანკი“ ცდილობს მაქსიმალურად შეუწყოს ხელი რეგიონის განვითარებისთვის სასარგებლო პროექტებს“, - განაცხადა „საქართველოს ბანკის“ საცალო ბიზნესის საბანკო მომსახურების დეპარტამენტის დირექტორმა, მერაბ ახვლედიანმა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)