სომხებმა ქალაქ ტერტერში სასაფლაო დაბომბეს, დაღუპულია 3 და დაშავებულია 5 მშვიდობიანი მოქალაქე, - ამის შესახებ ინფორმაციას აზერბაიჯანული მედია ავრცელებს.

თავდასხმის შესახებ აზერბაიჯანის რესპუბლიკის პრეზიდენტის თანაშემწე, პრეზიდენტის ადმინისტრაციის საგარეო პოლიტიკის დეპარტამენტის უფროსი ჰიკმატ ჰაჯიევი სოციალურ ქსელ „ტვიტერში“ წერს.

მისი თქმით, სომხეთმა, არტილერიის გამოყენებით ქალაქის სასაფლაოზე „მიზანმიმართული თავდასხმა“ განახორციელა.

ცნობისთვის, აზერბაიჯანსა და სომხეთს შორის ცეცხლის შეწყვეტის შესახებ შეთანხმება მოქმედებს, რომელსაც მხარეებმა მოსკოვში მიაღწიეს და ძალაში 10 ოქტომბრის 12:00 საათიდან შევიდა. მიუხედავად ამისა, სიტუაცია კვლავ დაძაბული რჩება და მხარეები ცეცხლის შეწყვეტის რეჟიმის დარღვევაში ერთმანეთს ადანაშაულებენ.