ეს არის დადგმული, რომ ვითომ თამარი თვითონ შევიდა აფთიაქში, შეიძინა ის აბები, რომლითაც ვითომდა თავი მოიკლა, - ამის შესახებ თამარ ბაჩალიაშვილის ოჯახის ადვოკატმა მიხეილ რამიშვილმა ტელეკომპანია „პალიტრანიუსის“ გადაცემა „პოლიტნიუსში“ განაცხადა.

„მე თავიდანვე ვამბობდი, რომ ეს ყველაფერი არის ძალიან სერიოზულად ორგანიზებული მკვლელობა და ყველაზე საინტერესო არის ერთი რამ - წამლები, რომლებიც მის ორგანიზმში აღმოჩნდა და ფატალურად დააყენა მისი გარდაცვალება, აფთიაქში რომ არის გადაღებული, თითქოსდა თამარ ბაჩალიაშვილს აბები აქვს შეძენილი, ის აბები, რომლითაც სიკვდილი განხორციელდა, აფთიაქში მისი შეძენილი არ არის. ეს არის დადგმული, რომ ვითომ თვითონ შევიდა აფთიაქში, თვითონ შეიძინა ის აბები, რომლითაც ვითომდა თავი მოიკლა“, - აცხადებს მიხეილ რამიშვილი.

ცნობისთვის, თამარ ბაჩალიაშვილი 18 ივლისს გაუჩინარდა. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.