დიმიტრი პესკოვი ევროკავშირის სანქციებზე - ჩვენდა სამწუხაროდ, ეს არის რუსეთის წინააღმდეგ განზრახ გადადგმული არამეგობრული ნაბიჯი

რუსეთი ევროკავშირის ახალ სანქციებს საკუთარი ინტერესების დაცვით უპასუხებს, - ამის შესახებ კრემლის პრესსპიკერმა დიმიტრი პესკოვმა განაცხადა.

მისივე თქმით, მოსკოვი სიტუაციას გააანალიზებს და საკუთარი ინტერესების შესაბამისად იმოქმედებს.

„ჩვენდა სამწუხაროდ, ეს არის რუსეთის წინააღმდეგ განზრახ გადადგმული არამეგობრული ნაბიჯი, რომელიც ყველანაირ ლოგიკას მოკლებულია. ევროკავშირის საბჭომ ამ გადაწყვეტილების მიღებით ზიანი მიაყენა ჩვენს ქვეყანასთან ურთიერთობას. მოსკოვი სიტუაციას გააანალიზებს და საკუთარი ინტერესების შესაბამისად იმოქმედებს,“- განაცხადა პესკოვმა.

შეგახსენებთ, ევროკავშირმა რუსი ოპოზიციონერის, ალექსეი ნავალნის მოწამვლის საქმესთან დაკავშირებით რუსეთს სანქციები დაუწესა. სასანქციო სიაში 6 რუსი მაღალჩინოსანი და ერთი ორგანიზაცია შევიდა. ევროკავშირის მიერ დაწესებული შეზღუდვები ითვალისწინებს ევროკავშირის ტერიტორიაზე შესვლის აკრძალვასა და ევროპულ ბანკებში ფინანსური აქტივების გაყინვას.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს