ნათია მეზვრიშვილი - ერთ-ერთი უმთავრესი მიზანი ადაპტაციის და მართვის ეტაპზე ეკონომიკის სწრაფი აღდგენაა, რომელიც შეუძლებელი იქნება, თუ ჩვენ წესებს არ დავიცავთ

„ჩვენი ერთ-ერთი უმთავრესი მიზანი ადაპტაციის და მართვის ეტაპზე გახლავთ ეკონომიკის სწრაფი აღდგენა, რომელიც შეუძლებელი იქნება, თუ წესებს არ დავიცავთ, - ამის შესახებ საქართველოს მთავრობის ადმინისტრაციის უფროსმა ნათია მეზვრიშვილმა განაცხადა.

მისივე თქმით, მოქალაქეებმაც თავისი წილი პასუხისმგებლობა უნდა გაიზიარონ და გაითვალისწინონ, რომ რესურსები ამოუწურავი არ არის.

„რესურსები ამოუწურავი არ არის. ამიტომ ვსაუბრობთ და ხაზს ვუსვამთ იმას, რომ პასუხისმგებლობა თითოეულ ჩვენგანზეა. ეს არ არის მხოლოდ მთავრობის პასუხისმგებლობა. მთავრობის პასუხისმგებლობა გახლავთ ვირუსის მართვა და ამას მთავრობა წარმატებით უმკლავდება, მიუხედავად იმისა, რომ შემთხვევების რაოდენობა იზრდება, ინფიცირებულების მაჩვენებელი მზარდია, ისევე, როგორც მთელს მსოფლიოში, თუმცა, მთავრობამ თავისი ვალდებულებები უნდა შეასრულოს.

თავისი პასუხისმგებლობა უნდა შეასრულონ ორგანიზაციებმაც, ბიზნესმა და მოქალაქეებმაც. ორი არჩევანი გვაქვს - ერთი, რომ დავიცვათ წესები, ვირუსთან თანაცხოვრებას მივეჩვიოთ იმ პირობებში, როდესაც სისტემა ამისთვის მზად არის და მეორე - შემოვიღოთ მკაცრი შეზღუდვები. ქვეყანას ამის რესურსი უბრალოდ არ გააჩნია, იმიტომ, რომ დღეს, ჩვენი ერთ-ერთი უმთავრესი მიზანი ადაპტაციის და მართვის ეტაპზე გახლავთ ეკონომიკის სწრაფი აღდგენა, რომელიც შეუძლებელი იქნება, თუ ჩვენ წესებს არ დავიცავთ. ამიტომ, მოქალაქეებმაც თავისი წილი პასუხისმგებლობა უნდა გაიზიარონ, გაითვალისწინონ, რომ რესურსები ამოუწურავი არ არის და წესები უნდა შევასრულოთ“, - აღნიშნა მთავრობის ადმინისტრაციის უფროსმა.

ინფორმაციას მთავრობის ადმინისტრაციის პრესსამსახური ავრცელებს.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს