გია ვოლსკი - სწორედ წინასაარჩევნო პერიოდში უნდა იცოდეს საზოგადოებამ, ვისთან გვაქვს საქმე და ზუსტი წარმოდგენა ჰქონდეს, რას წარმოადგენს სააკაშვილი და მისი გუნდი

სწორედ წინასაარჩევნო პერიოდში საზოგადოებამ უნდა იცოდეს, თუ ვისთან გვაქვს საქმე და ჰქონდეს ზუსტი წარმოდგენა, რას წარმოადგენს მიხეილ სააკაშვილი და მისი გუნდი, - აღნიშნული განცხადება პარლამენტის პირველმა ვიცე-სპიკერმა გია ვოლსკიმ „კარტოგრაფების საქმის“ თაობაზე დასმული კითხვის პასუხად გააკეთა.

ვოლსკიმ ჟურნალისტებთან საუბრისას ასევე დასვა კითხვა - “წინასაარჩევნო პერიოდში უნდა შენახულიყო ის მასალა და ინფორმაცია, რაც ამის თაობაზე მივიღეთ?! ვის რა უფლება აქვს, რომ დამალოს!“.

„ქართული ოცნების“ ერთ-ერთმა ლიდერმა განაცხადა, რომ ყველა დარჩენილ კითხვებს გამოძიება უპასუხებს.

„პირდაპირ საოცრებაა, რასაც ჩვენი ოპონენტები ჩადიან. გააფთრებული თავდაცვის რეჟიმი მოწოდებულია, რომ საზოგადოებამ სხვა კითხვებზე დაიწყოს პასუხების ძებნა. პასუხი მარტივია: ყველა რუკა - ამერიკული, გერმანული, რუსული წარმოშობის და სხვა რუკები ადასტურებენ, რომ ეს ტერიტორია (დავით გარეჯის ტერიტორია) საქართველოს ეკუთვნის. ისტორია ადასტურებს, რომ ეს ტერიტორია საქართველოს ეკუთვნის. ასეთი მონდომებით ბრძოლა იმისათვის, რომ დაადასტურონ, რომ ტერიტორია აზერბაიჯანს ეკუთვნის, არის ყველაზე უფრო სერიოზული და შემაშფოთებელი“, - განაცხადა გია ვოლსკიმ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს