ანრი ოხანაშვილი - საერთო სასამართლოს სისტემაში კონკრეტულ თანამდებობებზე კონკრეტული პირების შერჩევა და არჩევა არის სასამართლოს შიგნით მიმდინარე პროცესი, რომელსაც არაფერი აქვს საერთო პოლიტიკასთან

საერთო სასამართლოს სისტემაში კონკრეტულ თანამდებობებზე კონკრეტული პირების შერჩევა და არჩევა არის სასამართლოს შიგნით მიმდინარე პროცესი, რომელსაც არაფერი აქვს საერთო პოლიტიკასთან,-ამის შესახებ საპარლამენტო უმრავლესობის წევრმა, ანრი ოხანაშვილმა განაცხადა.

მისივე თქმით, ამ საკითხებში ის პოლიტიკის შეტანას არ დაიწყებს და შესაბამისად, არც პოლიტიკურ განცხადებებს გააკეთებს.

„ხელისუფლების დანაწილების პრინციპიდან გამომდინარე, სასამართლოს სისტემის ასეთ საკითხებზე, პოლიტიკოსების მიერ გაკეთებული შეფასება სხვა არაფერია, თუ არა, ამ საკითხების პოლიტიკაში გადატანა, რაც არ არის ჯანსაღი სამართლებრივი სახელმწიფოს პრინციპისთვის“,-განაცხადა ანრი ოხანაშვილმა.

ანრი ოხანაშვილის განცხადებით, „ქართული ოცნების“ გუნდმა შექმნა ბევრი მექანიზმი იმისათვის, რომ სასამართლოს სისტემა იყოს დამოუკიდებელი, გამჭვირვალე და საზოგადოებამ მასზე განახორციელოს მონიტორინგი.

მისივე თქმით, ეს ცვლილებები შეეხო იუსტიციის უმაღლეს საბჭოს და შესაბამისად, დღეს, იქ მიმდინარე პროცესები უკავშირდება სასამართლოს და არა პოლიტიკას.

„ჩვენ, „ქართული ოცნების“ გუნდმა შევქმენით ძალიან ბევრი მექანიზმი იმისთვის, რომ სასამართლოს სისტემა იყოს დამოუკიდებელი, გამჭვირვალე და მასზე საზოგადოებამ განახორციელოს მონიტორინგი. ამის ნათელი მაგალითია უზენაესი სასამართლოს მოსამართლეების შერჩევის და არჩევის წესი, იუსტიციის უმაღლეს საბჭოსთან მიმართებაში ჩვენს მიერ განხორციელებული ცვლილებებით, რომელიც შეფასდა ამერიკის შეერთებული შტატების საელჩოს მხრიდან და ევროკავშირის წარმომადგენლობის მხრიდან, როგორც სასამართლოს სისტემის შემდგომი განვითარებისთვის მნიშვნელოვნად წინ გადადგმული ნაბიჯი, ამ ფარგლებში, მათ შორის იუსტიციის უმაღლესი საბჭოს შეეხო ცვლილებები, გახდა უფრო მეტად გამჭვირვალე და კიდევ უფრო ანგარიშვალდებული საზოგადოების წინაშე. შესაბამისად, ეს არის საკითხები, რომელიც უკავშირდება სასამართლოს და არა პოლიტიკას“,-განაცხადა ანრი ოხანაშვილმა.

ოხანაშვილის აღნიშნულ განცხადებას პარლამენტის პრესსამსახური ავრცელებს.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)