საქართველოს ჯანდაცვის მინისტრის მოადგილის, თამარ გაბუნიას განცხადებით, კოვიდის მართვაში დამატებით უკვე ჩაერთო კლინიკა “M მედი“, რომელიც ბავშვების მიღებაზე იქნება ორიენტირებული.
მისივე თქმით, ასევე მიმდინარეობს მუშაობა კიდევ ორ კლინიკასთან - „ჯერარსთან“ და „ვივამედთან“ .
„ზოგადად, თბილისში ყველაზე მაღალია საწოლფონდი და ის კლინიკები, რომლებიც უნდა ჩაერთონ კოვიდის მართვის პროცესში, მთავრობის დადგენილებით უკვე დიდი ხანია განსაზღვრულია. დიდი კლინიკები, რომლებიც ჩაერთვებიან პროცესში ეს არის ბოკერიას სახელობის კლინიკა, რომელსაც 300-მდე საწოლფონდი აქვს. ასევე, უკვე ჩაერთო ახალი კლინიკა "M მედი”, რომელიც ბავშვებზე იქნება ორიენტირებული. ასევე, ორ კლინიკასთან მიმდინარეობს „ჯერარსი“ და „ვივამედი“ , რომელიც განსაზღვრულია მთავრობის დადგენილებით და მათთან მიმდინარეობს მუშაობა იმაზე, რომ სწრაფად მოხდეს საწოლფონდის მობილიზება“, - განაცხადა გაბუნიამ.