ჯანდაცვის მინისტრის მოადგილის, თამარ გაბუნიას განცხადებით, 2020 წლის საპარლამენტო არჩევნები უსაფრთხოდ ჩატარდება.
როგორც მან აღნიშნა, საქართველო არ არის პირველი ქვეყანა, რომელსაც პანდემიის პირობებში უწევს არჩევნების ჩატარება.
„არჩევნებთან დაკავშირებით მზადება დიდი ხანია დაიწყო, ჩვენ მოვამზადეთ ძალიან დეტალური რეკომენდაციები საარჩევნო უბნებისთვის და ამომრჩევლებისთვის. არის მთელი რიგი რეკომენდაციები, რომლებიც უნდა შესრულდეს. ვფიქრობთ, რომ ამ პირობებში არჩევნები ჩატარდება უსაფრთხოდ. ჩვენ არ ვართ პირველი ქვეყანა, რომელსაც პანდემიის პირობებში უწევს არჩევნების ჩატარება. მსგავსი გამოცდილება არსებობს და ვფიქრობ, რომ ამას საარჩევნო კომისია წარმატებით გაართმევს თავს“, - განაცხადა თამარ გაბუნიამ.
ცნობისთვის, საქართველოში საპარლამენტო არჩევნები მიმდინარე წლის 31 ოქტომბერს არის დაგეგმილი.