„ევროპული საქართველოს“ ბათუმის მაჟორიტარობის კანდიდატი, არმაზ ახვლედიანი, ბათუმში, აღმაშენებლის დასახლებაში ადგილობრივებს შეხვდა, მათი პრობლემები მოისმინა და ცვლილებების გეგმა გააცნო.

ახვლედიანის თქმით, ბათუმში არის ძირეული ცვლილებების მოლოდინი და „ყველა ერთად ელოდება ივანიშვილიზმის დასრულებას“.

ახვლედიანმა აღნიშნა, რომ 31 ოქტომბერს დაიწყება ეპოქა, რომელიც როგორ ბათუმს, ისე მთლიანად საქართველოს მოუტანს გარდამტეხ ცვლილებებს.

„ბათუმელები არიან იმედიანად, თავდაჯერებულები არიან იმ საკითხში, რომ 31 ოქტომბერს ბათუმშიც, აჭარაშიც და მთელ საქართველოშიც ვასრულებთ ივანიშვილიზმს, როგორც ანომალიურ მოვლენას და ვიწყებთ შეუქცევად რეფორმებს, რომლის მიზანია ნორმალური და განვითარებული ბათუმი და საქართველო”, - განაცხადა ახვლედიანმა.

არმაზ ახვლედიანის კომენტარს „ევროპული საქართველოს“ პრესსამსახური ავრცელებს.