შაქარაშვილის საქმის პროკურორი - დაცვის მხარემ სასამართლოში წარმოადგინა ექსპერტიზის დასკვნა, რომელიც ადასტურებს ბრალდების მხარის არგუმენტაციას და ვერსიას დანაშაულთან დაკავშირებით

დაცვის მხარემ სასამართლოში წარმოადგინა ექსპერტიზის დასკვნა, რომელიც არათუ ატრიალებს აღნიშნულ სისხლის სამართლის საქმეს, როგორც ისინი განმარტავენ, არამედ ადასტურებს ბრალდების მხარის არგუმენტაციას და ვერსიას დანაშაულთან დაკავშირებით, - ამის შესახებ ფეხბურთელ გიორგი შაქარაშვილის მკვლელობის საქმის პროკურორმა, დავით ყაზარაშვილმა დაცვის მხარის მიერ წარმოდგენილ ექსპერტიზის დასკვნაზე საუბრისას განაცხადა.

პროკურორის თქმით, ექსპერტიზის დასკვნაში მითითებულია, რომ ვიდეო ჩანაწერებში ერთი ადამიანის სილუეტი ჩანს.

მისივე თქმით, ვიდეო ჩანაწერებში ჩანს, რომ ერთი კარი იღება, მძღოლის მხრიდან და ავტომობილში ვასილ მახარაძე ჯდება.

„ექსპერტიზის დასკვნაში პირდაპირაა საუბარი იმაზე, რომ ვიდეო კამერაში ჩანს სილუეტები, თუმცა მითითებულია, რომ მხოლოდ ერთი ადამიანის სილუეტია. ექსპერტი ექსპერტიზაში ერთადერთი ადამიანის მოძრაობას ადასტურებს, თუმცა იქ განმარტავს, რომ წინა ორი კარის გახსნის მომენტია დაფიქსირებული შემდეგ, როდესაც ამ მანქანის შუქები ინთება. რაც შეეხება კარის გაღებას, წინა მარცხენა, მძღოლის კარი ნამდვილად იღება და ამას ჩვენ არ უარვყოფთ, რაც შეეხება მარჯვენა კარს, ეს კარი არ იღება. როდესაც დაცვის მხარე საუბრობს იმაზე, რომ სამი ადამიანი ჩაჯდა ავტომობილშიო, მათივე ექსპერტიზის დასკვნით გამოირიცხება ის გარემოება, რომ სამი ადამიანი ჩაჯდა, როდესაც ექსპერტი ამბობს, რომ ორი კარი გაიღო, თუმცა ეს გარემოებაც გამოირიცხება იმით, რომ ექსპერტი პირდაპირ უთითებს, რომ ერთი ადამიანის სილუეტი ჩანს“, - განაცხადა დავით ყაზარაშვილმა.

პროკურორის თქმით, აღნიშნული ექსპერტიზის დასკვნა სუბიექტურია.

„რაც შეეხება უშუალოდ საექსპერტო კვლევას, ასეთ შემთხვევაში, როდესაც ექსპერტი აცხადებს, რომ ორი კარი იღება, მას გამოკვლეული არ აქვს ავტომობილი, არ აქვს ინფორმაცია მიღებული ამ ავტომობილზე, უშუალოდ კარის გაღების დროს ინთება თუ არა შუქები და ა.შ. შესაბამისად, მიგვაჩნია, რომ ამ ექსპერტიზის დასკვნაში მითითებული გარემოებები არის სუბიექტური, დაცვის მხარის ინტერესიდან გამომდინარე და არ დასტურდება არაფრით ორი კარის გაღება უშუალოდ „ტოიოტა ქამრის“ ავტომობილში“, - განაცხადა პროკურორმა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)