ყირგიზეთის დედაქალაქ ბიშკეკში საგანგებო მდგომარეობა გაუქმდა, - ამის შესახებ ინფორმაციას Reuters-ი ავრცელებს. სააგენტოს ცნობით, აღნიშნული გადაწყვეტილება ყირგიზეთის პარლამენტმა დღეს მიიღო. გარდა ამისა, ქვეყნის ახალი პრემიერ-მინისტრი სადირ ჯაფაროვი დროებით პრეზიდენტის მოვალეობის შესრულებას ოფიციალურად შეუდგა.
კონსტიტუციის თანახმად, სოორონბაი ჟეენბეკოვის გადადგომის შემდეგ დროებით მისი მოვალეობა პარლამენტის თავმჯდომარეს კანატბეკ ისაიევს უნდა შეესრულებინა, თუმცა მან ამაზე უარი განაცხადა.
შეგახსენებთ, ყოფილმა პრეზიდენტმა სოორონბაი ჟეენბეკოვმა, რომელიც გუშინ გადადგა, ბიშკეკში საგანგებო მდგომარეობა გასულ კვირას, 4 ოქტომბრის შემდეგ მიმდინარე საპროტესტო აქციებისა და არეულობების ფონზე გამოაცხადა.
იხილეთ ვიდეო: ყირგიზეთის დედაქალაქში საგანგებო მდგომარეობა გაუქმდა