გერმანიაში, ბოლო 24 საათის განმავლობაში, კორონავირუსის 7 334 ახალი შემთხვევა დადასტურდა, რაც რეკორდულად მაღალი დღიური მაჩვენებელია ქვეყნისთვის, - ამის შესახებ ინფორმაციას „დოიჩე ველე“ ავრცელებს.
გამოცემის ცნობით, ქვეყანაში ვირუსს კიდევ 24 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 9 734-ს მიაღწია.
შეგახსენებთ, 2 დღის წინ, გერმანიის კანცლერ ანგელა მერკელსა და ქვეყნის 16 ფედერაციული მხარის პრემიერს შორის გამართული მოლაპარაკებების შედეგად კორონავირუსთან დაკავშირებული ზომების გამკაცრების გადაწყვეტილება მიიღეს.