სახელმწიფო ინსპექტორის სამსახურის თანამშრომლები წამების აღკვეთის კომიტეტის სტანდარტების თემაზე HELP-ის დისტანციურ კურსში ჩაერთნენ

სახელმწიფო ინსპექტორის სამსახურის წარმომადგენლები, ევროპის საბჭოს მხარდაჭერით, წამებისა და არაადამიანური ან ღირსების შემლახავი მოპყრობისა თუ დასჯის აღკვეთის ევროპული კომიტეტის სტანდარტების თემაზე ინტენსიურ სწავლებას გაივლიან. ამის შესახებ ინფორმაციას სახელმწიფო ინსპექტორის სამსახური ავრცელებს.

მათივე ინფორმაციით, 6 მოდულისაგან შემდგარი სასწავლო პროგრამა რამდენიმე თვის განმავლობაში დაიფარება და სწავლება HELP-ის დისტანციური პლატფორმის მეშვეობით განხორციელდება. კურსს სახელმწიფო ინსპექტორის სამსახურისა და საქართველოს იუსტიციის სამინისტროს თანამშრომლები ერთობლივად გაივლიან.

გახსნით ღონისძიებაზე კურსის მონაწილეებს სიტყვით სახელმწიფო ინსპექტორის მოადგილემ, სოფიო ჯიაძემ, საქართველოში ევროპის საბჭოს ოფისის ხელმძღვანელის მოადგილემ, ვაჰაგ მურადიანმა და საქართველოს იუსტიციის სამინისტროს წარმომადგენელმა ქეთევან სარაჯიშვილმა მიმართეს. კურსის ხელმძღვანელმა და თანაავტორებმა მსმენელებს დეტალური ინფორმაცია მიწოდეს წამების აღკვეთის კომიტეტის (CPT) სტანდარტებისა და პროგრამით გათვალისწინებული საკითხების მნიშვნელობაზე.

წამების აღკვეთის კომიტეტის (CPT) სტანდარტების შესახებ ევროპის საბჭოს HELP-ის კურსის მიზანია მონაწილეებს გააცნოს წამების აღკვეთის კომიტეტის ძირითადი სტანდარტები თავისუფლების აღკვეთის ხუთ ყველაზე მნიშვნელოვან ადგილას: პოლიციის განყოფილებები, საპყრობილეები, მიგრანტთა დაკავების ადგილები, ფსიქიატრიული დაწესებულებები და სოციალური მზრუნველობის დაწესებულებები.

,,სასწავლო პროგრამის ფარგლებში მიღებული ცოდნა მონაწილეებს მათ ყოველდღიურ საქმიანობაში საერთაშორისო სტანდარტების დანერგვაში, ერთგვაროვანი პრაქტიკის განვითარებასა და დაკისრებული ფუნქციების ეფექტიან განხორციელებაში დაეხმარებათ. სასწავლო პროგრამის ფარგლებში გათვალისწინებულია როგორც თეორიული, ასევე პრაქტიკული საკითხები და შეფასება.

წამების აღკვეთის კომიტეტის (CPT) სტანდარტების თემაზე მიმდინარე პროგრამა მეორე დისტანციური სასწავლო კურსია, რომელის სახელმწიფო ინსპექტორის სამსახურში HELP-ის პლატფორმის ფარგლებში ევროპის საბჭოს მხარდაჭერით დაინერგა. აღნიშნული მიმართულებით თანამშრომელთა კვალიფიკაციის ამაღლებაზე ზრუნვა მომავალშიც აქტიურად გაგრძელდება“, - ნათქვამია ინფორმაციაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს