სულხან სალაძე არ გამორიცხავს, რომ არჩევნების შემდეგ ივერი მელაშვილი და ნატალია ილიჩოვა გაათავისუფლონ

რამდენიმე მიზეზი არსებობს, რაც განაპირობებს დავსვათ მინიმუმ კითხვა, ხომ არ არის მოტივირებული ეს საქმე პოლიტიკური ინტერესებით. მოკლევადიან პერსპექტივაში ამ საქმეს ნამდვილად დაჰკრავს წინასაარჩევნო მიზნებისათვის დაწყებული გამოძიების სუნი, - ამის შესახებ საქართველოს ახალგაზრდა იურისტთა ასოციაციის ხელმძღვანელმა სულხან სალაძემ ე.წ. კარტოგრაფების საქმესთან დაკავშირებით განაცხადა.

სალაძე არ გამორიცხავს, რომ არჩევნების შემდეგ ივერი მელაშვილი და ნატალია ილიჩოვა გაათავისუფლონ.

„ჩვენ დეტალურად არ ვიცნობთ საქმის მასალებს და გამიჭირდება სიღრმეებში ჩასვლა, მაგრამ ჩემთვის ერთი რამ არის ცხადი, რომ როდესაც წინასაარჩევნოდ ხდება ამ საქმის განხილვის საგნად ქცევა, გამოტანა დისკუსიებისთვის, როდესაც მუდმივად ეძღვნება გადაცემები ამ თემას, მათ შორის, ხელისუფლების გავლენის ქვეშ მყოფი სატელევიზიო საშუალებებში, როდესაც არავინ არ სვავს კითხვას, რატომ ახლა, რამ გამოიწვია ამ გამოძების ახლა დაწყება და რატომ არა მაგალითად არჩევნების დასრულების შემდეგ, ლოგიკურია დავსვათ კითხვა, ეს არის მართლა გამოძიება თუ ეს არის პოლიტიკური მოტივებით განპირობებული გამოძიება?! ეს საქმე დიდი ხნის განმავლობაში დარჩება ყველას ინტერესის საგანი, თუმცა არ გამოვრიცხავ, რომ ეს ადამიანები არჩევნების შემდეგ საერთოდ გარეთ გამოუშვან“, - განაცხადა სულხან სალაძემ.

მისივე თქმით, საჭიროების შემთხვევაში ამ საქმეში საია ჩაერთვება.

„ამ საქმეში ჩართულები არიან ძალიან კარგი ადვოკატები, ორივეს შემთხვევაში და ჩვენ პატივს ვცემთ მათ პროფესიონალიზმს. თუ ამის საჭიროება დადგება, ცხადია, მზად ვართ განვიხილოთ ეს საკითხი, მაგრამ ამ ეტაპამდე დღის წესრიგში ეს საკითხი არ დამდგარა“, - აღნიშნა სულხან სალაძემ.

ცნობისთვის, საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს