არაფერია გასაკვირი იმაში, რომ ბიზნესს, რომელსაც წინა ხელისუფლება ატერორებდა, სურს, სტაბილურობა შეინარჩუნოს და ურთიერთობა იმ ხელისუფლებასთან ჰქონდეს, რომელიც მათი განვითარების საშუალებას იძლევა, - ასე ხსნის “ქართული ოცნების“ ერთ-ერთი ლიდერი გია ვოლსკი საარჩევნოდ ბიზნეს კომპანიების მხრიდან მმართველი პარტიის დაფინანსებას.
ვოლსკის თქმით, “ქართული ოცნების“ ხელისუფლება წინა ხელისუფლებისაგან განსხვავებით ბიზნეს არ ატერორებს, ყაჩაღურად არ ექცევა და ღირსებას არ ულახავს.
“უნდა დავფიქრდეთ, თუ რასთან ჰქონდა საქმე ბიზნესს და რასთან აქვს მას საქმე, რატომ შეიძლება ბიზნესმენს უნდოდეს, რომ ხელისუფლებაში სწორედ “ქართული ოცნება“ იყოს და მას დაეხმაროს“, - აღნიშნა გია ვოლსკიმ.