კორონავირუსის გავრცელების თავიდან აცილების მიზნით მოსკოვის თითქმის ყველა წინასწარი დაკავების იზოლატორი ეჭვმიტანილებს დროებით აღარ მიიღებს, - ამის შესახებ ინფორმაციას რუსული მედია საზოგადოებრივი მონიტორინგის კომისიაზე დაყრდნობით ავრცელებს.
მათივე ინფორმაციით, წინასწარი დაკავების იზოლატორები ეჭვმიტანილების მიღებას 19 ოქტომბრიდან შეაჩერებენ.
„ეჭვმიტანილების მიღება, შემდგომ შეტყობინებამდე, მხოლოდ #7 იზოლატორში მოხდება“, - აცხადებენ კომისიაში.
ცნობისათვის, რუსეთში, გასული დღე-ღამის განმავლობაში, კორონავირუსის 15 150 ახალი შემთხვევა დადასტურდა, აქედან 5 049 - მოსკოვში გამოვლინდა.