ნინო ბურჯანაძე გერმანიის ელჩს შეხვდა

„ერთიანი საქართველოს“ ლიდერი ნინო ბურჯანაძე საქართველოში აკრედიტირებულ დიპლომატიური კორპუსის წარმომადგენლებთან შეხვედრებს აგრძელებს. ბურჯანაძე საქართველოში გერმანიის საგანგებო და სრულუფლებიან ელჩს ჰუბერტ ქნირშის შეხვდა.

„შეხვედრის მთავარი თემა ქვეყანაში არსებული წინასარჩევნო გარემო იყო . ელჩი დაინტერესდა პარტია „ერთიანი საქართველოს“ წინასაარჩევნო კამპანიით, თუ როგორ აფასებს ნინო ბურჯანაძე მიმდინარე პოლიტიკურ ვითარებას და რა არის მისი ძირითადი მესიჯი მოსახლეობასთან შეხვედრის დროს. ნინო ბურჯანაძემ ელჩს გააცნო საარჩევნოდ სამუშაო განრიგი, რეგიონებში მოსახლეობასთან შეხვედრის მიმდინარეობა და თავად ხალხის განწყობა, თუ რამდენად იმედგაცრუებულია საქართველოს მოსახლეობა, რამდენად უიმედოდ და უმწეოდ გრძნობს თავს და რამდენად ნიჰილისტურია მათი განწყობა პოლიტიკოსების მიმართ.

შეხვედრაზე ნინო ბურჯანაძემ ასევე ხაზი გაუსვა იმ დაშინების მცდელობას, რომელსაც ადგილი აქვს მოსახლეობასთან მიმართებაში, რადგან ხალხი არ მივიდეს ოპოზიციური პარტიების ლიდერებთან შეხვედრაზე. ნინო ბურჯანაძემ ასევე ისაუბრა საერთაშორისო დამკვირვებლების არჩევნებზე დასწრების აუცილებლობაზე და დასძინა, რომ ხელისუფლება შეეცდება არჩევნების შედეგის გაყალბებას. ელჩმა განაცხადა, რომ გერმანიის საელჩო მუშაობს, რათა საერთაშორისო დამკვირვებელთა რიცხვი გაიზარდოს. ბურჯანაძემ ამ ინიციატივისთვის ელჩს მადლობა გადაუხადა“, - აღნიშნულია პარტიის მიერ გავრცელებულ ინფორმაციაში.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!