შს მინისტრის მოადგილეებმა დიპლომატიური კორპუსის და საერთაშორისო სადამკვირვებლო მისიების წარმომადგენლებთან წინასაარჩევნო პროცესის მიმდინარეობაზე შეხვედრა გამართეს

შინაგან საქმეთა მინისტრის მოადგილეებმა - კახაბერ საბანაძემ, ვლადიმერ ბორცვაძემ და ნინო ცაციაშვილმა საქართველოში აკრედიტებული დიპლომატიური კორპუსის და საერთაშორისო სადამკვირვებლო მისიების წარმომადგენლებთან წინასაარჩევნო პროცესის მიმდინარეობის შესახებ საინფორმაციო შეხვედრა გამართეს. ამის შესახებ „ინტერპრესნიუსს“ შსს-დან აცნობეს.

უწყების ინფორმაციით, შეხვედრაზე ხაზგასმით აღინიშნა შინაგან საქმეთა სამინისტროს მზაობა, უზრუნველყოს 31 ოქტომბრის საპარლამენტო არჩევნების თავისუფალ, უსაფრთხო და მშვიდ გარემოში ჩატარება.

მათი ცნობით, მინისტრის მოადგილეებმა საქართველოში აკრედიტებულ დიპლომატიური კორპუსის და საერთაშორისო სადამკვირვებლო მისიების წარმომადგენლებს შინაგან საქმეთა მინისტრის მიერ საპარლამენტო არჩევნებთან დაკავშირებით გამოცემული ბრძანება გააცნეს.

„ბრძანების მიხედვით, განახლებული რედაქციით დამტკიცდა საარჩევნო პერიოდში შინაგან საქმეთა სამინისტროს თანამშრომელთა სახელმძღვანელო ინსტრუქცია, რომლის შესრულებაც სავალდებულოა სამინისტროს სისტემის ყველა თანამშრომლისთვის. ინსტრუქცია სრულ შესაბამისობაშია საქართველოს საარჩევნო კოდექსში განხორციელებულ ცვლილებებთან და აწესრიგებს არჩევნებთან დაკავშირებულ მნიშვნელოვან საკითხებს, კერძოდ: სამინისტროს მოსამსახურეს ევალება დაიცვას პოლიტიკური ნეიტრალობის პრინციპი, უზრუნველყოს წესრიგის დაცვა აგიტაციისა და კამპანიის დროს, ასევე, კენჭისყრის დღეს, კენჭისყრის შენობაში და მის მიმდებარე ტერიტორიაზე.

მინისტრის მოადგილეებმა აღნიშნეს, რომ არსებული ეპიდემიური სიტუაციის გათვალისწინებით, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტთან კოორდინირებული თანამშრომლობის შედეგად, არჩევნების უსაფრთხო გარემოში ჩატარების ხელშეწყობისთვის, ახალი კორონავირუსით გამოწვეულ ინფექციასთან დაკავშირებული რეკომენდაციები შემუშავდა შინაგან საქმეთა სამინისტროს წარმომადგენლებისთვის.

მინისტრის მოადგილეებმა საქართველოში აკრედიტებული დიპლომატიური კორპუსის და საერთაშორისო სადამკვირვებლო მისიების წარმომადგენლებს წინასაარჩევნო პროცესში დაფიქსირებულ ინციდენტებსა და აღნიშნულ ინციდენტებზე სამინისტროს მხრიდან განხორციელებულ მყისიერ რეაგირებაზე მიაწოდეს ინფორმაცია და გამოთქვეს მზაობა, დიპლომატიური კორპუსის და საერთაშორისო სადამკვირვებლო მისიების წარმომადგენლებს პროაქტიულად გაუზიარონ ინფორმაცია არჩევნების მიმდინარეობის დროს შესაძლო დარღვევებისა და პოლიციის მიერ განხორციელებული რეაგირების შესახებ“,-აღნიშნულია ინფორმაციაში.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია