იტალიაში საქართველოს ელჩი ბაზილიკატას რეგიონში სამუშაო ვიზიტით იმყოფებოდა

იტალიაში საქართველოს ელჩი კონსტანტინე სურგულაძე ბაზილიკატას რეგიონში სამუშაო ვიზიტით იმყოფებოდა, სადაცშეხვედრები გამართა რეგიონის პრეზიდენტთან ვიტო ბარდისთან, ქ. პოტენცას მერთან მარიო გუარენტესთან, ქ. მატერას მერთან დომენიკო ბენარდისა და ბაზილიკატას სავაჭრო პალატის პრეზიდენტთან მიკელე სომასთან. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

უწყების ცნობით, შეხვედრებზე განხილულ იქნა საქართველოსა და ბაზილიკატას რეგიონს შორის თანამშრომლობის პერსპექტივები: ეკონომიკის, ვაჭრობისა და კულტურის მიმართულებით.

„ელჩმა რეგიონის ხელმძღვანელობას გააცნო საქართველოში მიმდინარე პოლიტიკური და ეკონომიკური პროცესები. ასევე ისაუბრა საქართველოს ოკუპირებული ტერიტორიების პრობლემატიკის შესახებ.

ამასთან, ელჩმა ხაზი გაუსვა, ბოლო წლებში, საქართველოში განხორციელებულ რეფორმებს, ეკონომიკურ მაჩვენებლებს, საინვესტიციო და ტურისტულ გარემოს.

ელჩმა, ასევე, ისაუბრა ქართული კულტურის ისტორიაზე, მის უნიკალურობასა და ღირებულებაზე. განსაკუთრებული ყურადღება დაეთმო ქართული ღვინის ტრადიციას და ექსპორტს იტალიაში.

საუბარი შეეხო, აგრეთვე, ბაზილიტაკას რომელიმე ქალაქთან დამეგობრების შესაძლებლობებს და თანამშრომლობის გააქტიურებას სხვადასხვა სფეროებში“,- აღნიშნულია ინფორმაციაში.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!