მამუკა ხაზარაძის განცხადებით, „ლელო” მომავალ კოალიციურ მთავრობაში წარმმართველი ძალა იქნება
„ლელო საქართველოსთვის” პრემიერ-მინისტრობის კანდიდატის, მამუკა ხაზარაძის განცხადებით, „ლელო” მომავალ კოალიციურ მთავრობაში წარმმართველი ძალა იქნება.
მისივე თქმით, შეიქმნება ისეთი გუნდი, რომელიც არის პატრიოტული, პროფესიონალი და გააჩნია კონკრეტული გეგმა.
„რა თქმა უნდა, მომავალი მთავრობა იქნება კოალიციური. ,,ლელო” იქნება წარმმართველი ძალა ამ კოალიციაში. ჩვენ ყველა რიგ თანამდებობებზე წარმოვადგენთ დამოუკიდებელ, ცნობად და პროფესიონალ ადამიანებს, რომ ერთხელ და სამუდამოდ შეიქმნას ისეთი გუნდი, რომელიც არის პატრიოტული, აქვს კონკრეტული გეგმა, არის პროფესიონალი, რომ ეს ქვეყანა ძალიან მოკლე დროში გამოვიყვანოთ ამ გაჭირვებიდან”, - განაცხადა მამუკა ხაზარაძემ.
