ნინო ბურჯანაძე საქართველოში IRI-ის ოფისის დირექტორს შეხვდა

„ერთიანი საქართველოს“ ლიდერმა ნინო ბურჯანაძემ პარტიის ოფისში საქართველოში IRI-ის ოფისის ხელმძღვანელს, ჯონ დე პიროს უმასპინძლა.

როგორც „ინტერპრესნიუსს“ „ერთიანი საქართველოდან“ აცნობეს, შეხვედრას ესწრებოდნენ IRI-ის ოფისის ხელმძღანელის მოადგილე ლადო რაზმაძე და ანალიტიკოსი ხუან-მარია კასტრიონი.

როგორც ნინო ბურჯანაძემ აღნიშნა, შეხვედრამ საქმიან ვითარებაში ჩაიარა.

„აირაის“ ოფისის წარმომადგენლები დაინტერესდნენ, თუ როგორი იყო ნინო ბურჯანაძის ხედვა საარჩევნო პროცესთან დაკავშირებით, ასევე თუ რა მოლოდინი აქვს ოპოზიციას და თავად ნინო ბურჯანაძეს, როგორ მიმდინარეობს მისი საარჩევნო კამპანია და რა მესიჯებით ხვდება „ერთიანი საქართველო“ ამომრჩეველს. ბურჯანაძემ ხაზი გაუსვა, თუ რამდენად მნიშვნელოვანია 2020 წლის არჩევნების დემოკრატიულ და სამართლიან გარემოში ჩატარება და ამისთვის რაოდენ აუცილებელია საერთაშორისო დამკვირვებლების და ისეთი ორგანიზაციის როლი, როგორიც „აირაია“. ორივე მხარემ წუხილი გამოთქვა იმასთან დაკავშირებით, რომ „აირაის“ დამკვირვებლთა ფართო დელეგაცია ვერ ჩამოდის საქართველოში, თუმცა ნინო ბურჯანაძე მიესალმა თანამშრომლობის დისტანციური მუშაობის ფორმასაც. „აირაის“ ხელმძღვანელმა ჯონ დე პირომ ხაზი გაუსვა, რომ არჩევნების დღეს მიმდინარე პროცესებს უწყვეტად დააკვირდებიან და კონტაქტზე იქნებიან შესაბამის პირებთან”, - ნათქვამია პარტიის მიერ გავრცელებულ ინფორმაციაში.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!