გიორგი შაქარაშვილის საქმეზე დაკავებული ნიკოლოზ ცუცქირიძის ადვოკატის განცხადებით, ცუცქირიძემ სასამართლოს ამომწურავი ინფორმაცია მიაწოდა აგარაკზე განვითარებული მოვლენების შესახებ

გიორგი შაქარაშვილის საქმეზე დაკავებული ნიკოლოზ ცუცქირიძის ადვოკატის, არჩილ ბერიანიძის განცხადებით, ცუცქირიძემ დღეს სასამართლოს ამომწურავი ინფორმაცია მიაწოდა აგარაკზე განვითარებული მოვლენების შესახებ.

ადვოკატის თქმით, ბრალდებულმა ყველა კითხვას გასცა პასუხი. მისივე თქმით, სასამართლო პროცესზე ცუცქირიძეს არ უსაუბრია გური ამირხანაშვილის შესახებ. არჩილ ბერიანიძის ინფორმაციით, ბრალდებულმა ისაუბრა ლ.შ-ზე და გ.მ-ზე.

„არავის არ აქვს იმის თქმის საშუალება, რომ ნიკოლოზ ცუცქირიძემ არასანდო ჩვენება მისცა სასამართლოს. პირიქით, ნიკოლოზ ცუცქირიძემ დეტალურად უამბო აგარაკზე განვითარებული მოვლენები, როგორ დაბრუნდნენ ისინი თბილისში, ამის შემდეგ რამ განაპირობა აგარაკზე მათი დაბრუნება, ასევე როგორ განვითარდა ხიდზე მოვლენები და ამის შემდეგ, როგორ მოხდა საბოლოოდ მათი თბილისში ჩამოსვლა. აბსოლუტურად ყველა კითხვაზე გასცა მან პასუხი. ბრალდების მხარეს ფიზიკურად არ ჰქონდა ბევრი კითხვა იმიტომ, რომ ამომწურავად, პირდაპირი დაკითხვის რეჟიმში ბრალდებულმა ნიკოლოზ ცუცქირიძემ ყველა კითხვას უპასუხა და შესაბამისდ არ დარჩენილა არც ერთი პასუხგაუცემელი კითხვა. ასევე, ახსნა თუ რა შინაარსის ზარები იყო შემომავალი მის ტელეფონზე. რაც შეეხება მის სანდოობას, მე გარანტირებულად შემიძლია ვთქვა, რომ ასეთი ჩვენება სასამართლოში აქამდე არცერთ ბრალდების მხარის მოწმეს არ მიუცია, მან დეტალურად უამბო მოვლენების განვითარების შესახებ სასამართლოს“, - განაცხადა არჩილ ბერიანიძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს