გიგი წერეთელი - მოსახლეობაში არის გარდამტეხი ცვლილებებისა და უკეთესობის მოლოდინი

„ევროპული საქართველოს“ ტყიბულის, თერჯოლის, ზესტაფონისა და ბაღდათის მაჟორიტარი დეპუტატობის კანდიდატი, გიგი წერეთელი, ზესტაფონში, კვალითის დასახლებაში ადგილობრივებს შეხვდა, მათი პრობლემები მოისმინა და მოსახლეობას გარდამტეხი ცვლილებების გეგმა გააცნო. ამის შესახებ „ინტერპრესნიუსს“ პარტიიდან აცნობეს.

წერეთლის თქმით, ზესტაფონში იგრძნობა სიდუხჭირე და რთული ცხოვრება, ადგილობრივი ხელისუფლების მხრიდან კი სრული უყურადღებობაა.

როგორც მან აღნიშნა, 31 ოქტომბერს დასრულდება უიმედობა და უპერსპექტივობა. „კვალითის დასახლებაში კარგად იგრძნობა ის სიდუხჭირე და რთული ცხოვრება, რაც ზესტაფონშია. აქ ძალიან ბევრია გასაკეთებელი, რომ თანამედროვე ქალაქის უბანს დაემსგავსოს. ყველას იმედი აქვს, რომ არჩევნების შემდეგ ახალი ხელისუფლება ბევრ საკითხს მოაგვარებს. ერთ-ერთ შეხვედრაზე ადგილობრივი ხელისუფლების წარმომადგენლები მოვიდნენ და თავისი მოსაზრებებიც გამოთქვეს. არ ვიცი ეს ხელის შეშლის ფორმაა თუ გულწრფელი ინტერესი, თუმცა იქ შეკრებილმა ხალხმა მათი ნათქვამი ნამდვილად არ გაიზიარა და ცხარე კამათიც გაიმართა. თუმცა, საბოლოოდ ყველაფერი მშვიდად დასრულდა და იქ მყოფთა მოტივაცია ოპოზიციის მხარდასაჭერად კიდევ უფრო გაიზარდა. ყველა შეხვედრაზე ვსაუბრობთ კორონას გაზრდილ შემთხვევებზე და სათანადო წესების დაცვის აუცილებლობაზე, თუმცა ამ პროცესის არასწორად მართვის გამო, ბევრი ამ ვითარებას ეჭვით უყურებს”, - განაცხადა წერეთელმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა