ჯანმო-ს გენერალური დირექტორი - ამ დროისთვის „დექსამეტაზონი“ ერთადერთი პრეპარატია, რომელიც კოვიდ-19-ის მძიმე ფორმის დროს არის ეფექტური
ამ დროისთვის „დექსამეტაზონი“ წარმოადგენს ერთადერთ მედიკამენტს, რომელმაც თავისი ეფექტურობის დემონსტრირება მოახდინა კოვიდ-19-ის მძიმე ფორმის წინააღმდეგ, - ამის შესახებ დღეს, ჟენევაში გამართულ ბრიფინგზე ჯანმრთელობის მსოფლიო ორგანიზაციის გენერალურმა დირექტორმა თედროს ადჰანომ გებრეიესუსმა განაცხადა.
„ამ დროისთვის კორტიკოსტეროიდი „დექსამეტაზონი“ კვლავინდებურად წარმოადგენს ერთადერთ თერაპიულ საშუალებას, რომელმაც ეფექტურობა გამოავლინა კოვიდ-19-ით დაავადებულ იმ პაციენტებში, რომლებთანაც ვირუსი მძიმე ფორმით მიმდინარეობს“, - განაცხადა ჯანმო-ს გენერალურმა დირექტორმა.
