არჩილ თალაკვაძე - „ქართული ოცნების“ სახელისუფლებო გუნდმა ყველაზე უკეთესად შეძლო ქვეყანაში მშვიდობის და სტაბილურობის უზრუნველყოფა

„ქართული ოცნების“ სახელისუფლებო გუნდმა ყველაზე უკეთესად შეძლო ქვეყანაში მშვიდობის და სტაბილურობის უზრუნველყოფა, ყველაზე უკეთესად შეძლო ადამიანზე ზრუნვა, მისი უფლებების დაცვა, - ამის შესახებ პარლამენტის თავმჯდომარემ არჩილ თალაკვაძემ სამეგრელოში „ქართული ოცნების“ მაჟორიტარი დეპუტატობის კანდიდატის ალექსანდრე მოწერელიას წარდგენისას განაცხადა.

არჩილ თალაკვაძემ 2012 წლიდან მოყოლებული ხელისუფლების მიღწევებზე ისაუბრა.

„ჩვენ ვართ მომავალაზე ორიენტირებული, ჩვენ წარვადგინეთ გამოცდილი გუნდი გიორგი გახარიას ხელმძღვანელობით და ჩვენ მზად ვართ, თქვენთან ერთად, თქვენი მხარდაჭერით მომავალზეც ავიღოთ პასუხისმგებლობა. თითოეული მოქალაქე, დემოკრატიული არჩევნების დროს რასაკვირველია, ფიქრობს, რისი გაკეთება შეძლო ამ გუნდმა და რის გაკეთებას შეძლებს ის მომავალში. ნებისმიერი სფერო რომ ავიღოთ, ჩვენ მზად ვართ, შედარება გავაკეთოთ იმასთან, რაც 2012 წელს ჩავიბარეთ, რაზეც თქვენ გადმოგვეცით 2012 წელს პასუხისმგებლობა. „ქართული ოცნების“ სახელისუფლებო გუნდმა ყველაზე უკეთ შეძლო ქვეყანაში მშვიდობის და სტაბილურობის უზრუნვეყოფა, ყველაზე უკეთ შეძლო ადამიანზე ზრუნვა, მისი უფლებების დაცვა. რა ხდებოდა ჩვენ ქვეყენაში და როგორია დღეს ამ კუთხით ვითარება. ყოველწლიურად სქართველოს 5 000-ზე მეტი მოქალაქე თავის სახელმწიფოს წინააღმდეგ აგზავნიდა საჩივარს ევროსასამართლოში. დღეს, ეს რიცხვი 8-ჯერ არის შემცირებული და დარჩენილ რაოდენობაშიც ძალიან ბევრია ისეთ შემთხვევები, რომელიც წინა ხელისუფლების დროს მომხდარ დანაშუალს და დარღვევებს ეხება. მოგეხსენებათ, ევროსასამართლოს წლები სჭირდება, რომ საქმეები სრულად განიხილოს.

რა იყო ჯანდაცვაში - ჯანდაცვა იყო სრულად პრივატიზირებული და მოქალაქეებს ელემენტარული მკურნალობისთვის უწევდათ სესხების აღება, სახლების გაყიდვა, დანაზოგების დახარჯვა. დღეს, წალენჯიხაში, 7 მილიონზე მეტი შემთხვევა აქვს დაფინანსებული ჯანდაცვაში სახელმწიფოს. 60 000 ჩვენი მოქალაქის სიცოცხლე და ჯანმრთელობა მხოლოდ ერთმა პროგრამამ - „ცე“ ჰეპატიტის ელმინმიაციის პროგრამამ გადაარჩინა. განათლების სფეროში ჩვენ უზრულველყავით ხელშესახები პროგრესი და ამ მიმართულებით მუშაობას ვაგრძელებთ, ორნახევარჯერ და მეტჯერ არის გაზრდილი დაფინანსება, გავზარდეთ პედაგოგების ანაზღაურება, ავაშენეთ ახალი სკოლები და ახლაც მიმდინარეობს არაერთი სკოლის მშენებლობა და რეაბილიტაცია“, - განაცხადა თალაკვაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!