კობა კობალაძემ საქართველოს ერთიანობისთვის დაღუპულ გმირთა მემორიალი გვირგვინით შეამკო

17 ოქტომბერს, საქართველოში, ვეტერანის დღე აღინიშნება თბილისი, 17 ოქტომბერი. „ინტერპრესნიუსი“, - ვეტერანების საქმეთა სახელმწიფო სამსახურის დირექტორმა, გენერალ-მაიორმა, კობა კობალაძემ, აფხაზეთის ავტონომიური რესპუბლიკის მთავრობის თავმჯდომარის მოადგილესთან, ანზორ მარგიანთან და ვეტერანებთან ერთად, გმირთა მოედანზე, საქართველოს ერთიანობისთვის დაღუპულ გმირთა მემორიალი გვირგვინით შეამკო და გმირების ხსოვნას პატივი კიდევ ერთხელ მიაგო.

კობა კობალაძემ, დღევანდელი დღე, ომისა და თავდაცვის ძალების ვეტერანებს მიულოცა.

"დღეს საქართველოს ვეტერანთა დღეა. ეს არის ხალხი, რომლებიც არიან „დამნაშავეები“ იმაში, რომ დამოუკიდებელ ქვეყანაში ვცხოვრობთ თითოეული ჩვენგანი, რომ გვაქვს სამშობლოს შეგრძნება, მისთვის თავგანწირვისა და თავდადების. მინდა მივულოცო დღევანდელი დღე ჩემს დებს, ჩემს ძმებს, ჩემს მეგობრებს. ჩვენს წინაშე ბევრი გამოწვევაა. უდიდესი ამოცანა დგას ჩვენს წინაშე. თითოეული ჩვენგანი ერთად ყოფნით მოვახერხებთ ჯერ ამ პრობლემების გადალახვას და შემდეგ, იმ სანუკვარი აზრისა და იდეის აღსრულებას, რასაც ერთიანი და ძლიერი საქართველო ჰქვია,"- განაცხადა კობა კობალაძემ.

ვეტერანებს დღევანდელი დღე საქართველოს პრეზიდენტმა სალომე ზურაბიშვილმა, პრემიერ-მინისტრმა გიორგი გახარიამ, თბილისის მერმა კახა კალაძემ, საქართველოს ომბუდსმენმა ნინო ლომჯარიამ და მთავრობის სხვა წევრებმა ფეისბუქის საშუალებით მიულოცეს.

საქართველოში, ვეტერანის დღე, 2014 წლიდან აღინიშნება. 1995 წლის 17 ოქტომბერს, საქართველოს პარლამენტმა მიიღო კანონი „ომისა და სამხედრო ძალების ვეტერანთა შესახებ“, რაც შემდგომში, ვეტერანის დღის დაწესების საფუძველი გახდა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)