არმაზ ახვლედიანი - ბევრი ვიწვალეთ ქართველმა ხალხმა და მგონი დავიმსახურეთ, რომ საქართველოში გვქონდეს ნორმალური, ადამიანური, წესიერი მმართველობა

ბევრი ვიწვალეთ ჩვენ, ქართველმა ხალხმა და მგონი დავიმსახურეთ, რომ საქართველოში გვქონდეს ნორმალური, ადამიანური, წესიერი მმართველობა”, - ამის შესახებ „ევროპული საქართველოს“ ბათუმის მაჟორიტარობის კანდიდატი, არმაზ ახვლედიანმა განაცხადა.

როგორც ახვლედიანი აცხადებს, 31 ოქტომბერს მოქალაქეებმა უნდა გააკეთონ არჩევანი, რომელიც საქართველოს ადამიანურ, წესიერ მმართველობას მოუტანს.

„2012 წლის 1 ოქტომბრის არჩევნებიდან სულ რაღაც 20 დღეში ბიძინა ივანიშვილმა მთხოვა შეხვედრა, მე მაშინ ის პირველად ვნახე და შემომთავაზა აჭარის მთავრობის თავმჯდომარეობა. დავთანხმდი, მაგრამ იქვე ვუთხარი: უნდა დავიწყოთ რადიკალური რეფორმები და უპირველესად, რეფორმას უნდა დაექვემდებაროს მმართველობა, ის უნდა გახდეს ადამიანური, ადამიანებს უნდა დაუბრუნდეთ ნდობა ხელისუფლების მიმართ. ეს შესაძლებელია მხოლოდ მაშინ, როცა პოლიტიკა არის ხალხისთვის, ბიზნესი კი - პოლიტიკისგან დამოუკიდებლად, ჩაურევლად... მოკლედ, როცა ვიწყებთ ფორმალური სახელმწიფოებრივი ინსტიტუტების მომართვას ადამიანის ყაიდაზე. მაშინ ეს პროექტი ვერ შედგა. ვერ შედგა იმიტომ, რომ ბათუმში, აჭარაში მოკალათებულმა ბიზნეს-პოლიტიკურმა კორუმპირებულმა წრეებმა და ახლად გამომცხვარმა დიდმოხელეებმა თბილისში ივანიშვილი დაარწმუნეს, უთხრეს, რომ ახვლედიანი ურჩია და ის ხელს არ მოგიწერთ ბიზნესსა და პოლიტიკას შორის უკანონო გარიგებებზეო. სწორადაც უთხრეს! ბევრი წელი გავიდა, ბევრი ვიწვალეთ ჩვენ, ქართველმა ხალხმა და მგონი, დავიმსახურეთ ის, რომ 8 წლის შემდეგ, 31 ოქტომბერს გავაკეთოთ არჩევანი, რომლის შედეგადაც საქართველოში, ბათუმში, ყველა ქალაქში, ყველა სოფელში გვექნება ნორმალური, ადამიანური, წესიერი მმართველობა! მმართველობა, რომლის მიმართაც გვექნება ნდობა! მმართველობა, რომელიც საქართველოს დაუბრუნებს ღირსებას“ , - აცხადებს ახვლედიანი, რომლის კომენტარსაც „ევროპული საქართველოს“ პრესსამსახური ავრცელებს.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს