გიგი უგულავა - ქვეყანას მობეზრდა „ოცნება“, ქვეყანას ყელში ამოუვიდა ივანიშვილის ოლიგარქია და ტყუილები

„ევროპული საქართველოს“ ერთ-ერთი ლიდერი, ზუგდიდის მაჟორიტარობის კანდიდატი, გიგი უგულავა ისანში, გიორგი ვაშაძის მხარდამჭერ შეხვედრაზე მივიდა. უგულავას თქმით, დღეს ქვეყანაში მომწიფებულია ცვლილებები და ბიძინა ივანიშვილის დასამარცხებლად სწორედ ერთიანობაა საჭირო.

უგულავამ „ევროპული საქართველოს“ მხარდამჭერებს მოუწოდა, რომ ისნის მაჟორიტარულ ოლქში მხარი გიორგი ვაშაძეს დაუჭირონ.

„ქვეყანაში მომწიფებულია ცვლილებები, ქვეყანა ელის გარდამტეხ ცვლილებებს, ქვეყანას მობეზრდა „ოცნება“, ქვეყანას ყელში ამოუვიდა ბიძინა ივანიშვილის ოლიგარქია და ტყუილები. აქ, ისანში, ჩემს საყვარელ რაიონში, კარგად იგრძნობა ენთუზიაზმი ამ ცვლილებების. საზოგადოებისთვის ცნობილია, რომ სწორედ გიორგი ვაშაძეა ოპოზიციის ერთიანი კანდიდატი ისანში და მე მინდა ვთხოვო და მოვუწოდო „ევროპული საქართველოს“ ყველა ამომრჩეველს, ჩემს მეგობრებს, რომლებიც ისნის ამ ოლქში ცხოვრობენ, დაუჭირონ მხარი სწორედ გიორგი ვაშაძეს ისნის მაჟორიტარად. ის ამ რაიონს ძალიან კარგად იცნობს, ის არის ენერგიული ადამიანი და მე დარწმუნებული ვარ, რომ ის იქნება მართლაც ღირსეული და მძლავრი ხმა პარლამენტში. ასე, რომ მეგობრებო, მოგიწოდებთ, ისნის მაჟორიტარულ ოლქში დაუჭიროთ მხარი გიორგი ვაშაძეს“ , - განაცხადა უგულავამ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)