პრემიერი - ჩვენი ტერიტორიული მთლიანობა ჩვენი ყველაზე დიდი მიზანია

ჩვენ ყველაფერი უნდა შვექმნათ იმისთვის, რომ ზუგდიდში, სენაკში, ფოთში, მარტვილში ცხოვრება ზუსტად ისეთივე იყოს, როგორიც თბილისში, ბათუმში, ქუთაისშია, სხვაობა არ უნდა იყოს, - ამის შესახებ პრემიერ-მინისტრმა გიორგი გახარიამ ზუგდიდში, „ქართული ოცნების“ მაჟორიტარი დეპუტატობის კანდიდატის ირაკლი ჩიქოვანის წარდგენისას განაცხადა.

პრემიერ მინისტრმა საზოგადოებას მოუწოდა, არჩევნების დროს პროვოკაციებს არ აყვნენ და ამასთან, პანდემიასთან დაკავშირებული წესები დაიცვან. გახარიამ ასევე იმ პროექტებზე ისაუბრა, რომელსაც მთავრობა მომდევნო 4 წლის განმავლობაში გეგმავს.

„2012 წლიდან სამეგრელოში ინვესტირებული იყო ინფრასტრუქტურულ პროექტებში 1 186 000 ლარი, მაგრამ ჩვენ ყველანი ვხედავთ, რომ კიდევ ბევრია გასაკეთებელი, ამიტომ გეტყვით, რომ შემდგომი 4 წლით, რაც საარჩევნო ციკლია, საქართველოში ინფრასტრუქტურულ პროექტებში ინვესტირებული იქნება 20 მილიარდ ლარზე მეტი და რა თქმა უნდა, აქედან დიდი ნაწილი მოხმარდება ამ კუთხეს და სამეგრელოს. ყველას კარგად გვესმის, რომ ბევრი მნიშვნელოვანი საკითხი ბოლომდე უნდა გავიყვანოთ. მაგალითად, წყალმომარაგება. ზუგდიდს ათწლეულები არ ჰქონდა ნორმალური წყალმომარაგების სისტემა, როგორც იქნა, ბევრი ვიწვალეთ საჭიროზე მეტი დრო დავხარჯეთ, მაგრამ ეს პრობლემა ბოლოში გავიყვანეთ, თუმცა, შემდეგი პრობლემაა წყალნარინების სისტემა. რა თქმა უნდა, ნორმალურ, თანამედროვე ქალაქს წყალნარინების სრულფასოვანი სისტემა უნდა ჰქოდნეს და ჩვენ მომავალ წელს ამ პროექტს დავიწყებთ.

ზუგდიდში ვაკეთებთ გზებს, მაგისტრალურს ვაკეთებთ, მაგრამ შიდასასოფლო გზები უკვე პრობლემაა, სასმელი წყალი სოფლებში, საირიგაციო წყლები - ეს ყველაფერი უნდა გავაკეთოთ ერთად და ის ინფრასტრუქტურული პროექტები, რომელზეც ჩვენ ვსაუბრობთ, მიმართული იქნება სისტემური ინფრასტრუქტურის წესრიგში მოსაყვანად - გზები, გზიფიცირება, წყალმომარაგება, საირიგაციო წყლები, სკოლები, საბავშვო ბაღები, სავადმყოფოები. რა თქმა უნდა, ჩვენ ყველაფერი უნდა შვექმნათ იმისთვის, რომ ზუგდიდში, სენაკში, ფოთში, მარტვილში ცხოვრება ზუსტად ისეთივე იყოს, როგორიც თბილისში, ბათუმში, ქუთაისშია. სხვაობა არ უნდა იყოს, შესაძლებლობებში სხვაობა საქართველოს მოქალაქეებს არ უნდა ჰქონდეს.

საქართველოს წარმატება, რა თქმა უნდა, განისაზღვრება პირველ რიგში, მისი რეგიონების წარმატებით. ჩვენი ტერიტორიული მთლიანობა ჩვენი ყველაზე დიდი მიზანია, ვერ განვითარდება საქართველო სრულფასოვნად, თუ არ აღსდგა ტერიტორიული მთლიანობა და ვერ აღსდგება ტერიტორიული მთლიანობა მშვიდობიანი გზის გარეშე. ყველას უნდა გვესმოდეს, რომ ეს არის საბოლოო მიზანი. რა თქმა უნდა, ამ საბოლოო მიზნის მისაღწევად ჩვენ გვჭირდება გამარჯვება 31 ოქტომბერს. მნიშვნელოვანია, რომ ეს გამარჯვება უნდა იყოს ღირსეული და სამართლიანი. ჩვენ ეჭვი არ გვეპარება ჩვენი მოქალაქეების მხარდაჭერაში, ჩვენ ერთადერთი რაც გვინდა ვთხოვოთ ჩვენ მოქალაქეებს არის ის, რომ არ წამოვეგოთ პროვოკაციებს, არაფერი არ გავაკეთოთ ისეთი, რაც ოდნავ მაინც რაიმე ეჭვის ქვეშ დააყენებს ჩვენს ღირსეულ და სამართლიან გამარჯვებას. მე მესმის, რომ ჩვენთვის, ყველასთვის არ არის ბუნებრივი პირბადეეებით აქ ჯდომა და ერთმანეთთან საუბარი, მაგრამ ეს ჩვენი პასუხისმგებლობაა, ჩვენი პაუსხისმგებლობაა ჩვენი მომავალი თაობის, ჩვენი ეკონომიკის განვითარების, ჩვენი უხუცესების, ჩვენი ხანდაზმული ხალხის ჯანმრთელობის და მათი სიცოცხლის წინაშე. ყველას კარგად უნდა გვესმოდეს, რომ დღეს ელემენტარული წესების დაცვა არის პატრიოტიზმი, ეს არის ის წითელი ხაზი, რომელიც განგვასხვავებს ჩვენ იმ ხალხისგან, რომლებიც გუშინ იდგნენ ბათუმში და ჩვენ ამას უნდა გავუფრთხილდეთ და ასე ღირსეულად უნდა მივიდეთ საბოლოო გამარჯვებამდე. გამარჯვებას გისურვებთ!“ - განაცხადა გახარიამ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)