ინდოეთში ბოლო 24 საათში კორონავირუსის 61 871 ახალი შემთხვევა გამოვლინდა და საერთო ჯამში ინფიცირებულთა რაოდენობამ 7 494 000-ს გადააჭარბა. ამ ინფორმაციას ადგილობრივი მედია ჯანდაცვის სამინისტროზე დაყრდნობით ავრცელებს.

ამასთან, ბოლო დღე-ღამის განმავლობაში ინდოეთში კორონავირუსით კიდევ 1 033 ადამიანი დაიღუპა და მსხვერპლის რაოდენობამ 114 000-ს მიაღწია. საერთო ჯამში, ინდოეთში კორონავირუსით დაინფიცირებული 6.5 მილიონი ადამიანი გამოჯანმრთელდა.