არჩილ თალაკვაძე - მიხეილ სააკაშვილი უკვე 8 წელია აანონსებს დაბრუნებას, ხან სახურავიდან, ხან ზღვასთან დგას, ხან საკუთარი ძვირადღირებული ბინის აივანზე, თუმცა ვერ გაბედა ჩამოსვლა

მიხეილ სააკაშვილს აქვს პრობლემები თავის წარსულთან და ის დღეს გამოიყურება როგორც ჯოხი ოპოზიციის ბორბალში,- ამის შესახებ პარლამენტის თავმჯდომარე არჩილ თალაკვაძემ ჟურნალისტებთან განაცხადა.

როგორც მან აღნიშნა, მოქალაქეებს საშუალება აქვთ „ნაციონალური მოძრაობა“ ამ არჩევნებზე პოლიტიკური ველიდან გაიყვანონ.

თალაკვაძის შეფასებით, ამ პოლიტიკურმა პარტიამ კიდევ ერთხელ აჩვენა ხალხის მიმართ დამოკიდებულება, რადგან გამართეს აქცია, სადაც არანაირი წესები არ იყო დაცული და გაწირეს თავისივე მხარდამჭერები.

„ძვირფასო მოქალაქეებო იმასთან ერთად რომ ამ დემოკრატიული არჩევნებით საქართველო დგამს ნაბიჯებს პროგრესისკენ, ირჩევს უფრო მშვიდ, საქმიან პოლიტიკას, რომელსაც „ქართული ოცნება“ სთავაზობს ჩვენს ქვეყანას და საზოგადოებას , თქვენ აქვე გაქვთ შესაძლებლობა, რომ პოლიტიკური ველიდან ბოლომდე გავიყვანოთ ეს უპასუხისმგებლო პარტია, რომელსაც ჰქვია „ნაციონალური მოძრაობა“. მათ რამდენიმე დღის წინ, კიდევ ერთხელ აჩვენეს თავისი დამოკიდებულება ადამიანებთან, როცა სხვადასხვა რეგიონებიდან ჩაყვანილი საზოგადოების წევრებით ხალხის ხარჯზე გააკეთეს ისეთი აქცია, სადაც არანაირი წესები არ იყო დაცული, მათ გაწირეს საკუთარი მხარდამჭერებიც კი თავისი მიზნის მისაღწევად, ეს არის მათი ხელწერა, ისინი ამას აკეთებდნენ სასჯელაღსრულების სისტემაში, ბიზნესში, მედიაში, ყველგან, სადაც ჰქონდათ ამის შესაძლებლობა, მათ შორის ჟურნალისტები და ერთ-ერთი აქ მყოფი ტელევიზიის დირექტორი პირდაპირ აცხადებდა , რომ ტელევიზიას და ჟურნალისტებს პოლიტიკური მიზნებისთვის იყენებდა. ამის შემდეგ რა უნდა გაგიკვირდეთ ამ პოლიტიკური ძალისგან?

რაც შეეხება მიხეილ სააკაშვილს ის უკვე 8 წელია აანონსებს ხან სახურავიდან, ხან ზღვასთან დგას, ხან საკუთარი ძვირადღირებული ბინის აივანზე და აანონსებს დაბრუნებას, ზოგჯერ ჰაერით, ზოგჯერ გვირაბით, ზოგჯერ ფეხით გადმოდის ხოლმე საზღვარზე, თუმცა, როგორც ხედავთ მან დღემდე ვერ გაბედა საქართველოში ჩამოსვლა. ეს არის მისი მორიგი ტყუილი საკუთარი მხარდამჭერებისთვის, ვინაიდან სხვას ამ ქვეყანაში არავის სჯერა მისი სიტყვების, მას აქვს პრობლემები თავის წარსულთან და ის დღეს გამოიყურება როგორც ჯოხი ოპოზიციის ბორბალში. ამიტომ ამ არჩევნებით "ნაციონალური მოძრაობის" წარმომადგენლობა და მისი მხარდაჭერა კიდევ უფრო შემცირდება და მის ადგილს დაიკავებს ჯანსაღი ოპოზიცია,“- განაცხადა თალაკვაძემ.

იხილეთ ვიდეო:

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)