სერგი კაპანაძე - „კარტოგრაფების საქმე“ არის ის საქმე, რომელიც ხელისუფლებას პოლიტიკურ სიცოცხლეს მოუსწრაფებს

"ევროპული საქართველოს" საარჩევნო შტაბის ხელმძღვანელი, სერგი კაპანაძე, „კარტოგრაფების საქმეს“ ეხმაურება და აცხადებს, რომ საქმეზე დაკავებულ ორ პირს, მთავრობის პროპაგანდისტული მედიასაშუალებები ედავებიან ქვეყნის ღალატს და დავით გარეჯის გაყიდვას, თუმცა, ეს სისხლის სამართლის საქმეში არ არის ნახსენები.

კაპანაძის თქმით, ივანიშვილის მიზანია, რომ ამ საქმით კიდევ ერთხელ დაანახოს საზოგადოებას, რომ საქართველოში არის ორპოლუსიანი სამყარო, ერთ მხარეს კეთილი ივანიშვილი, ხოლო მეორე მხარეს ბოროტი სააკაშვილი.

„კარტოგრაფების საქმე არის ის საქმე, რომელიც ამ ხელისუფლებას მოუსწრაფებს პოლიტიკურ სიცოცხლეს, იმიტომ, რომ ორი აბსოლუტურად უდანაშაულო ადამიანი, რომელიც მხოლოდ და მხოლოდ თავიანთი პოლიტიკური მიზნებისთვის ჩააგდეს ციხეში, დააბრალეს ენით აღუწერელი რამ, ქვეყნის ღალატი და გარეჯის გაყიდვა, ეს დააბრალეს პროპაგანდისტული მედიასაშუალებების მეშვეობით, თორემ რეალურად, მათ ამასაც კი არ ედავებიან უშუალოდ სისხლის სამართლის საქმეში. ანუ, ეს არის ორი ადამიანი, რომელიც ტყუილად ზის ციხეში და ამ ბრალდებას აქვს ერთადერთი აზრი, ერთადერთი დანიშნულება, რაც პირდაპირ გაახმოვანა ბატონმა ღარიბაშვილმა და "ქართული ოცნების" სხვა წარმომადგენლებმა, რომ დააბრალონ ღალატი წინა ხელისუფლებას.

ყველანაირი არგუმენტის, ყველანაირი საფუძველის და ყველანაირი გამართლების გარეშე და ეს ფანდი, რომელსაც ივანიშვილი უკვე იყენებს, რომ წინასაარჩევნოდ შემოჰყავს სააკაშვილი, რომ მას დააბრალოს მორიგი აბსურდი, მას ამჯერად არ გაუვა და ამის მცდელობა, რომ წარმოაჩინოს ორპოლუსიანი სამყარო საქართველოში, ერთ მხარეს კეთილი ივანიშვილი და მეორე მხარეს ბოროტი სააკაშვილი, ეს არ გამოუვა, რადგან ეს ასე არ არის. დღეს არის მრავალპოლუსიანი გარემო და მარტო ამ ორ ძალას შორის არ არის არჩევანი. ამიტომ, ივანიშვილის ეს მცდელობა კიდევ ერთხელ აჩვენებს, თუ რამდენად გაკოტრებულია ეს ხელისუფლება, რომ არანაირი პოზიტიური დღის წესრიგი მას არ გააჩნია,“ - განაცხადა კაპანაძემ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება