BBC - ჩრდილოეთ კვიპროსში საპრეზიდენტო არჩევნებში მემარჯვენე ნაციონალისტმა ერსინ ტატარმა გაიმარჯვა

თურქეთის მიერ კონტროლირებად ჩრდილოეთ კვიპროსში გამართულ საპრეზიდენტო არჩევნებში მემარჯვენე ნაციონალისტმა ერსინ ტატარმა გაიმარჯვა, რომელიც კვიპროსის ორად გაყოფას უჭერს მხარს, - ამის შესახებ ინფორმაციას BBC ავრცელებს.

გამოცემის ცნობით, ტატარმა არჩევნებში ამომრჩევლების ხმების 52 % მიიღო.

„ჩვენ ვიმსახურებთ სუვერენიტეტს. ჩვენ ვიბრძვით იმისთვის, რომ ჩრდილოეთ კვიპროსის თურქულ რესპუბლიკად ვიარსებოთ და ამიტომ, ჩვენმა მეზობლებმა სამხრეთით, ისევე როგორც მსოფლიო საზოგადოებამ, თავისუფლებისთვის ჩვენს ბრძოლას პატივი უნდა სცენ, რადგან ჩვენ ამას ვიმსახურებთ,“- განაცხადა ტატარმა არჩევნების შედეგების გამოცხადების შემდეგ.

თურქეთის პრეზიდენტმა რეჯეფ თაიფ ერდოღანმა ერსინ ტარტარს გამარჯვება სოციალურ ქსელ „ტვიტერში“ გამოქვეყნებული პოსტით მიულოცა და აღნიშნა, რომ თურქეთი განაგრძობს ძალისხმევას კვიპროსელი თურქი ხალხის უფლებების დასაცავად.

ცნობისათვის, კვიპროსი 1974 წლიდან ორადაა გაყოფილი. კუნძულის მესამედს, ჩრდილოეთ ნაწილში, კვიპროსის თურქული მთავრობა მართავს, ორ მესამედს კი, სამხრეთ ნაწილში, კვიპროსელი ბერძნების საერთაშორისოდ აღიარებული მთავრობა. თვითაღიარებული ჩრდილოეთ კვიპროსის თურქული რესპუბლიკის, რომლის მოსახლეობა დაახლოებით 300 000 ადამიანს შეადგენს, დამოუკიდებლობა მხოლოდ თურქეთის მიერ არის აღიარებული, მსოფლიოს დანარჩენი ნაწილი კი მას კვიპროსის ნაწილად განიხილავს.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს