ისრაელმა და ბაჰრეინმა დიპლომატიური ურთიერთობები დაამყარეს

ისრაელმა და ბაჰრეინმა დიპლომატიური ურთიერთობები დაამყარეს. მხარეებმა ხელშეკრულებას ხელი ბაჰრეინის დედაქალაქ მანამაში მოაწერეს. ბაჰრეინის საგარეო საქმეთა მინისტრის, აბლდულ ლატიფ ბენ რაშედ ალ-ზაიანის თქმით, დელეგაციის წარმომადგენლებმა თანამშრომლობის შესახებ 8 შეთანხმების მიღწევა შეძლეს, რომელთა მიზანიც ქვეყნებს შორის დიპლომატიური, მშვიდობიანი და მეგობრული ურთიერთობების ჩამოყალიბებაა.

ისრაელის მხრიდან დოკუმენტს ხელი პრემიერ-მინისტრ ბენიამინ ნეთანიაჰუს მრჩეველმა ეროვნული უსაფრთხოების საკითხებში მეირ ბენ-შაბათმა მოაწერა. მისი თქმით, ქვეყნები შეთანხმდნენ, რომ ერთმანეთის მიმართ მტრულ პოლიტიკას არ გაატარებენ. ორ ქვეყანას შორის ურთიერთობების ნორმალიზება აშშ-ის ხელშეწყობით გახდა შესაძლებელი. ისრაელის პრემიერ-მინისტრმა, ბენიამინ ნეთანიაჰუმ ბაჰრეინთან დიპლომატიური ურთიერთობების დამყარებას მშვიდობისკენ გადადგმული უზარმაზარი ნაბიჯი უწოდა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს